ზაგრების "დინამოს" თავკაცი გაცოფებულია: VAR-ი სუფთა ნეხვია!

AutoSharing Option
ზაგრების "დინამოს" მთავარი მწვრთნელი ნენად ბიელიცა დონეცკის "შახტართან" (3:3) ჩემპიონთა ლიგის მატჩის შემდეგ განრისხებული იყო.

"დინამო" 3:1-ს იგებდა, ხოლო "შახტარმა" ორჯერ გაიტანა კომპენსირებულ დროში და ქულა მოიპოვა.

"შახტარის" ბოლო გოლი განსაკუთრებით დრამატული გამოდგა: მსაჯმა 15 წამით ადრე ტაისონის წაქცევისთვის პენალტი დანიშნა. ხოლო ბევრი განხილვისა და განმეორების ნახვის შემდეგ ფელიქს ბრიხმა პენალტის დანიშვნა დაადასტურა, მაგრამ ბრაზილიელზე წესების დარღვევისთვის კი არა, არამედ ანდრეი პიატოვის მიმართ სახეში დარტყმისთვის. დონეცკელთა მეკარე ჩაწოდების დროს მეტოქის საჯარიმოში იყო.

"დინამოს" მთავარი მწვრთნელი ნენად ბიელიცა მატჩისშემდგომ პრესკონფერენციაზე გაცოფებული
იყო და VAR-ი მიწასთან გაასწორა:

"VAR-ი სუფთა ნეხვია. ეშმაკსაც წაუღია ეს ტექნოლოგია. ის ჩვენ არ გვჭირდება, ის მხოლოდ ემოციებს ისრუტავს. ეს ნამდვილი ცირკია. VAR-ი საერთოდ არ გვეხმარება".

გუნდებს 5-5 ქულა აქვთ, C ჯგუფში მეორე ადგილს იყოფენ და "სიტის" 5 ქულით ჩამორჩებიან.

მკითხველის კომენტარები / 2 /
რამდენი ხანია ამას ვიძახი,VAR კლავს იმ სასწაულ და განუმეორებელ სიხარულს და ემოციას რაც ფეხბურთს ალამაზებს. +1 ჩემგან ბიელიცას
21

სიახლეები პოპულარული