ლონდონის "არსენალის" ექსდამრიგებელმა არსენ ვენგერმა ჩემპიონთა ლიგის მიმდინარე სეზონის 2 მთავარი ფავორიტი დაასახელა და განაცხადა, რომ ყველაზე პრესტიჟული საკლუბო ტურნირის მოგების საუკეთესო შანსები პსჟ-სა და "მანჩესტერ სიტის" აქვთ.
"როცა "ატალანტას" ან "ატლეტიკოს" ეთამაშები, ყველაფერი შეიძლება მოხდეს. თუმცა ჩემთვის ლიგის ფავორიტები "მანჩესტერ სიტი" და პსჟ არიან, რადგან მათ ყველაზე დიდი პოტენციალი გააჩნიათ.
ვხედავ, რომ პსჟ გაცილებით ძლიერია, ვიდრე 4 წლის წინ იყო. მაშინ კონკურენციაც უფრო დიდი გახლდათ. თუმცა, მაინც ვთვლი, რომ ევროპული ფეხბურთის დონე უმაღლეს დონეზეა და ეს გუნდები საუკეთესოთა შორის
შედიან.
არაა საჭირო მიზეზების ძიება, თუ ჯერ რატომ ვერ მოიგო პსჟ-მა ჩემპიონთა ლიგა. "რეალმაც" ვერ გაიმარჯვა ამ შეჯიბრებაზე 10-15 წელი, შემდეგ კი თასი სამჯერ ზედიზედ აღმართა", - განაცხადა ვენგერმა.
ჩემპიონთა ლიგის 1/8-ფინალურ ეტაპზე "მანჩესტერ სიტის" მადრიდის "რეალთან" განმეორებითი მატჩის ჩატარება ელის წინ. პირველი შეხვედრა ბრიტანელებმა გასვლაზე, ანგარიშით 2:1 მოიგეს. პსჟ კი უკვე გასულია 1/4-ფინალში, სადაც იტალიურ "ატალანტას" დაუპირისპირდება.
მომზადებულია Goal.com-ის მიხედვით
ვენგერი: მესისა და რონალდოს ეპოქა დასასრულს უახლოვდება
ვენგერი: მესი სულ მარადონას ჩრდილში იქნება, თუ...
არსენ ვენგერი: ის "არსენალმა" მოამზადა, "ბაიერნმა" კი მოგვპარა...
![ჩემპიონთა ლიგა. III ტური: რაფინიას ჰეთ-თრიკი - ელ კლასიკოს წინ "ბარსელონამ" "ბაიერნს" 4:1 მოუგო [VIDEO]](/pictures/image7/5b23cdea666d3812287c51b3c45cabb3.jpg "ჩემპიონთა ლიგა. III ტური: რაფინიას ჰეთ-თრიკი - ელ კლასიკოს წინ \"ბარსელონამ\" \"ბაიერნს\" 4:1 მოუგო [VIDEO]")
![ჩემპიონთა ლიგა. III ტური: "რეალის" დიდებული ქამბექი და ქართველების გუნდების მორიგი წაგებები [VIDEO]](/pictures/image7/85f031dd491ca88e3b38145aab7d675a.jpeg "ჩემპიონთა ლიგა. III ტური: \"რეალის\" დიდებული ქამბექი და ქართველების გუნდების მორიგი წაგებები [VIDEO]")
