ჩემპიონთა ლიგის პირველ საკვალიფიკაციო ეტაპზე თბილისის "დინამო" "ტირანას" შეხვდება. ალბანური გუნდის 47 წლის მწვრთნელმა ნდუბუისი ემანუელ ეგბომ მომავალ დაპირისპირებაზე გააკეთა კომენტარი.
ის ნიგერიის ნაკრების ყოფილი მეკარეა, რომლის ღირსება 12 მატჩში დაიცვა, "ტირანაში" 2001-2004 წლებში თამაშობდა, 2014-2019 წლებში ამავე გუნდში გოლკიპერთა მწვრთნელი იყო, ხოლო გასული სეზონიდან მთავარი მწვრთნელი გახდა. ის პირველი აფრიკელი სპეციალისტია, რომლის ხელმძღვანელობით კლუბმა ევროპული ჩემპიონატი მოიგო.
"ყველანი, რომლებიც ამ სეზონში ჩემპიონები გახდნენ, ძალიან ძლიერი გუნდებია. სამწუხაროდ, სახლში კი არა, გასვლაზე მოგვიწევს თამაში. ეს ჩვენს ამოცანას უფრო ართულებს. "დინამოს"
წინააღმდეგ მაშინ ვითამაშე, როდესაც ფეხბურთელი ვიყავი. ეს დიდი ხნის წინ იყო.
ახლა საქართველოში სეზონი მიმდინარეობს. მათთვის ეს კიდევ ერთი პლუსია. ჩემპიონატის ლიდერები რომ არიან, ესეც ამ გუნდზე ფსიქოლოგიურად კარგად მოქმედებს. თუმცა, ჩვენ ერთხელ უკვე დავამარცხეთ და ამის მიღწევა ისევ შეგვიძლია. ამიტომ იმედიანად ვარ. მიზნის მისაღევად საჭირო ფეხბურთელები უნდა დავიმატოთ", - ციტირებს ეგბოს კლუბის საიტი.
ოპტიმისტურადაა განწყობილი კლუბის პრეზიდენტი ჰალილიც, რომელიც ამბობს, რომ კენჭისყრის შედეგით კმაყოფილია, რამეთუ ქართულ გუნდს ადრე შეხვედრიან, მშვიდადაა, შემდეგ ეტაპზე გასვლის იმედი აქვს და დასახული მიზნის მისაღწევად მალე სამ ფეხბურთელს დაიმატებენ.
თბილისის "დინამო" "ტირანას" ჩემპიონთა ლიგის საკვალიფიკაციო ეტაპზე 2003 წელს შეხვდა, სახლში 3:0 მოუგო, სტუმრად ასეთივე ანგარიშით დამარცხდა, პენალტების სერიაში კი ალბანურმა გუნდმა იმარჯვა.
ჩემპიონთა ლიგაზე "დინამოს" მეტოქე ცნობილია!
![ეროვნული ლიგა. XXXI ტური. "დინამო" (თბ) - "იბერია 1999" [LIVE]](/pictures/image7/aef15f7bac811eb195df8fa9d10b2093.jpg "ეროვნული ლიგა. XXXI ტური. \"დინამო\" (თბ) - \"იბერია 1999\" [LIVE]")
![ეროვნული ლიგა. XXX ტური. "ტორპედო" - "დინამო" (თბ) [LIVE]](/pictures/image7/97a6fdd8fa390a9dda791a78e5b655eb.jpg "ეროვნული ლიგა. XXX ტური. \"ტორპედო\" - \"დინამო\" (თბ) [LIVE]")
იმის მაგივრად რომ ბიჭები გაამხნევოს ზოგიერთებმა, გესლიან და პესიმისტურ კომენტარებს ისვრიან. თუ ავი სიტყვა გულს და სულს გირჩევნიათ, იქნებ კომპიუტერს მაინც მოშორდეთ.
პ.ს. ალბანური კლუბები და ნაკრებიც გასვლებს ძალიან ცუდად თამაშობენ, ასე რომ მჯერა დინამო ამბარიერს უპრობლემოდ დაძლევს. მთავარია მეტოქე დავაფასოთ და სწორედ შევაფასოთ. რაც შეეხება იმ მოარულ აზრს, რომ დინამოს ბრესტთან შანსი არ ექნებოდა სასაცილოც აღარაა, აბსურდია. მაგათ 1-2 თამაშს ვუყურე და მართალი გითხრათ ბატემ ძალიან მოინდომა რომ ესენი გამხდარიყვნენ ჩემპიონები. გუნდის ერთადერთი ტაქტიკა ამოტანა და წინ ბრძოლა და გამართლებაა. მაქსიმუმ კედელი გამოსდიოდეთ და სტუმრად ეს გუნდი არაფერს წარმოადგენს. ასტანა თუ წაიფორთხილებს მხოლოდ გასვლითი მატჩის ფაქტორით!
მოგვიგებთ კიარა თბილისის დინამოს კარში გოლსაც ვერ გაიტანთ ისე წააგებთ 3:0 ზე!
გამარჯვებები და წარმატებები დინამო თბილისს ევროპულ ასპარეზზე!