"ნაპოლისთან" ჩემპიონთა ლიგის განმეორებითი 1/8- ფინალური მატჩისას ტრავმირებული "ბარსელონას" კაპიტანი ლეო მესი დღეს კლუბის ბაზაზე მივიდა და საათ-ნახევარი ექიმებთან იმყოფებოდა. მას კოჭ-წვივი აქვს შესიებული და ოთხშაბათიდან ვარჯიშს დაიწყებს.
კლუბის სამედიცინო პერსონალი დარწმუნებულია, რომ არგენტინელი 14 აგვისტოს, ჩემპიონთა ლიგის მეოთხედფინალში "ბაიერნთან" უეჭველი ითამაშებს.
"ბარსა" ლისაბონში ხუთშაბათს დილაადრიან ავტობუსით გაემგზავრება, სასტუმრო "შერატონში" დაიდებს ბინას და "და ლუშის" სტადიონზე ივარჯიშებს.
კატალონიური "სპორტის" ცნობით, "ბარსა" ამ შეხვედრის ფავორიტად არ ითვლება, რაც უკანასკნელი წლების განმავლობაში არ მომხდარა. ეს ძალიან გასაკვირია, მაგრამ აღნიშნული ფაქტი ლეოს კიდევ უფრო
მოტივირებულს ხდის.
გამოცემის მტკიცებით, "ბარსელონა" მობილიზებულია და დიდი საფეხბურთო ზეიმისთვის ემზადება.
![alt](/pictures/image50/104e6f2c1213cdbb5ce47361bb5f290e.jpg "sport.es: "ბარსელონა" დიდი საფეხბურთო ზეიმისთვის ემზადება - მესი ვარჯიშს ოთხშაბთს დაიწყებს")
მესის ფეხი აქვს შეშუპებული, მაგრამ "ბაიერნთან" ითამაშებს
