დვალის "ფერენცვაროშმა" "სელტიკს" სძლია, გვილიას "ლეგია" კი "ომონიამ" გააგდო

ჩემპიონთა ლიგის მეორე საკვალიფიკაციო ეტაპზე 11 მატჩი ჩატარდა და რა თქმა უნდა, პირველ რიგში ჩვენთვის საინტერესო "ქართული გუნდების" ამბებია.

ლაშა დვალის "ფერენცვაროშმა" გლაზგოში 2:1 დაამარცხა "სელტიკი" და მესამე ეტაპზე გავიდა. ტრავმამორჩენილი დვალი მწვრთნელმა სერგეი რებროვმა დაცვის გასაძლიერებლად 86-ე წუთზე თავდამსხმელ ტოკმაც ნგუენის ნაცვლად შეუშვა შეცვლაზე.

ვაკო გვილიას "ლეგია" კი ვარშავაში 0:2 დამარცხდა კვიპროსის "ომონიასთან". 54-ე წუთზე მსაჯმა მეორე ყვითელი ბარათი უჩვენა მასპინძელთა გუნდის მცველ იგორ ლევჩუკს და მწვრთნელი ალეკსანდარ ვუკოვიჩი იძულებული შეიქნა, ტაქტიკური ცვლილება განეხორციელებინა - გვილია მცველ მატეუშ ვიეტეშკათი

შეცვალა.

იმ დროისთვის ანგარიში 0:0 იყო. პოლონურმა გუნდმა თამაშის დამატებით დროში გადაყვანა შეძლო, მაგრამ რიცხობრივ უმცირესობაში მყოფებმა ბოლომდე ვეღარ გაუძლეს, მარცხი განიცადეს და გათამაშებას გამოეთიშნენ.

სხვა მატჩები:

ალკმაარი - პლზენი 3:1 (ძირ. დრო 1:1)

სუდუვა - მაკაბი 0:3

ცელიე - მოლდე 1:2

ყარაბაღი - შერიფი 2:1

ლოკომოტივა (ზაგრები) - რაპიდი 0:1

ლუდოგორეცი - მიდტიულანდი 0:1

კლუჟი - დინამო (ზაგრები) 2:2, პენ 5:6

დინამო (ბრესტი) - სარაევო 2:1

იანგ ბოისი - კლასვიკი 3:1

alt ტრავმამორჩენილმა დვალმა კიტეიშვილის გუნდთან მატჩისას ტრავმა მიიღო