ბრიტანული გამოცემა The Times-ი წერს, რომ უეფაში შემუშავდა ჩემპიონთა ლიგის ჯგუფური ეტაპის ახალი ფორმატი, რომლის მიხედვით, გუნდები არა 6, არამედ 10 შეხვედრას ჩაატარებენ. საქმე ეხება "შვეიცარიულ სისტემას", რომელიც ჭადრაკსა და სხვა სახეობებში გამოიყენება. ამ სისტემის მიხედვით ჩემპიონთა ლიგის ჯგუფურ ეტაპზე კვლავ 32 ან 36 გუნდი იქნება წარმოდგენილი. ყველა მათგანი 1 დივიზიონს შექმნის, კენჭისყრა კი თითოეული კლუბის მოწინააღმდეგეს განსაზღვრავს და მეტოქეები 5 საშინაო და 5 გასვლით შეხვედრებს ჩაატარებენ. გუნდები სტატუსისა და განთესვის მიხედვით იქნებიან განაწილებულნი.
ამ სისტემის მიხედვით, პლეი-ოფში საუკეთესო 16
მე-17-24-ე ადგილებზე გასული კლუბები კი ასპარეზობას ევროპა ლიგაზე განაგრძობენ.
უეფა წევრ ქვეყნებს ახალი ფორმატის პირველად ვერსიას მომავალ 2 კვირაში წარუდგენს, ცვლილებების ძალაში შესვლა კი ჩემპიონთა ლიგის 2024/25 წლების სეზონიდან იგეგმება.
