პსჟ-მა ჩემპიონთა ლიგის 1/4-ფინალურ ეტაპზე "ბაიერნის" დაბრკოლების გადალახვა შეძლო. ამ გამარჯვების ერთ-ერთი მთავარი შემოქმედი პარიზელთა მეკარე კეილორ ნავასი იყო, რომელმაც ორ მატჩში 14 დარტყმა მოიგერია.
გაირკვა, რომ ფრანგების გამარჯვება წინასწარვე იყო "გარკვეული". ამის საფუძველს კი კოსტარიკელი მეკარე იძლეოდა: კეილორ ნავასის გუნდი ჩემპიონთა ლიგის პლეი-ოფიდან არასდროს გამოვარდნილა, როცა კარს სამხრეთამერიკელი იცავდა.
2014 წელს კეილორი "ლევანტედან" "რეალში" გადავიდა, სწორედ ეს იყო ევროთასების მონაწილე პირველი კლუბი, რომელშიც ნავასს უთამაშია. 2014/15 წლების სეზონში კოსტარიკელი სათადარიგოთა სკამზე იჯდა, როცა "რეალი" "იუვენტუსთან" 1/2-ფინალში დამარცხდა.
ამის შემდეგ
მადრიდელები კეილორთან ერთად ზედიზედ 3-ჯერ იგებდნენ ლიგას. 2018/19 წლების სეზონში, როცა "ბლანკოსი" 1/8-ფინალში "აიაქსთან" დამარცხდა, ნავასი სათადარიგოთა სკამზე იყო. შემდეგ კი პსჟ-სთან ერთად ფინალში გავიდა.
ამ სტატისტიკას კი ზურგს ძალიან მაგარი თამაში უმაგრებს. Transfermarkt-ი კეილორს მაინც 10 მილიონ ევროდ აფასებს.
ნავასმა სახელი 2014 წლის მსოფლიო თასზე კარგი თამაშით გაითქვა. კოსტა-რიკის ნაკრები მუნდიალის 1/4-ფინალში გაიყვანა და ზედიზედ 3 შეხვედრაში საუკეთესო მოთამაშედ დაასახელეს.
მომზადებულია Eurosport-ის მიხედვით
ჩემპიონთა ლიგა. 1/4-ფინალი. პსჟ-მა "ბარსელონას" "ბაიერნიც" ზედ მიაყოლა [VIDEO]
!["რეალში" ჯერ კიდევ არგადასული მბაპე "ბარსელონას" ფანებს უკვე შესძულდებათ - ნახეთ, რა უთხრა გასახდელისკენ მიმავალმა ფრანგმა კატალონიელთა გულშემატკივრებს [VIDEO]](/pictures/image7/c8d0781634d40a75628d9109aff3fe43.jpeg "\"რეალში\" ჯერ კიდევ არგადასული მბაპე \"ბარსელონას\" ფანებს უკვე შესძულდებათ - ნახეთ, რა უთხრა გასახდელისკენ მიმავალმა ფრანგმა კატალონიელთა გულშემატკივრებს [VIDEO]")
![ჩემპიონთა ლიგა. 1/4-ფინალი: დიდი მატჩები - "რეალმა" "სიტის", ხოლო "ბაიერნმა" "არსენალს" სძლია [VIDEO]](/pictures/image7/515b8298bc3e954e19bbd6aeee36feff.jpg "ჩემპიონთა ლიგა. 1/4-ფინალი: დიდი მატჩები - \"რეალმა\" \"სიტის\", ხოლო \"ბაიერნმა\" \"არსენალს\" სძლია [VIDEO]")
