დღეს, 28 აპრილს, ჩემპიონთა ლიგის მეორე ნახევარფინალური შეხვედრა "პარკ დე ფრანსის" მოედანზე გაიმართება, სადაც "პარი სენ ჟერმენი" "მანჩესტერ სიტის" დაუპირისპირდება.
ეს გუნდები გასულ ათწლეულში 2-ჯერ დაუპირისპირდნენ ერთმანეთს. 1 შეხვედრა "ქალაქელებმა" მოიგო, ერთი კი ფრედ დასრულდა.
რაც შეეხებათ გუნდის მთავარ მწვრთნელებს, მაურისიო პოჩეტინო (პსჟ) და პეპ გვარდიოლა ("სიტი") ერთმანეთს 18-ჯერ დაუპირისპირდნენ. პეპი 10 გამარჯვებით ლიდერობს, არგენტინელმა სპეციალისტმა ესპანელი 3-ჯერ დაამარცხა, 5 შეხვედრა კი ფრედ დასრულდა.
დღევანდელ შეხვედრას ინგლისელები ოპტიმალური შემადგენლობით ხვდებიან.
თავის მხრივ, ფრანგებს ოფიციალურად არავინ აკლიათ, თუმცა, შესაძლოა, მარკინიოსი და
კილიან მბაპე გამოაკლდეთ, რაც, რა თქმა უნდა, ძალიან დიდი დანაკლისი იქნება.
შეხვედრა თბილისის დროით 23:00 საათზე დაიწყება.
შეგახსენებთ, ჩემპიონთა ლიგის პირველი ნახევარფინალური შეხვედრა მადრიდის "რეალსა" და "ჩელსის" შორის ფრედ, 1:1 დასრულდა.
სტატისტიკა აღებულია sofascore-დან
ჩემპიონთა ლიგა. 1/2-ფინალი. წვიმა იყო, გადაიღო, ყველაფერი "სტემფორდ ბრიჯზე" გადაიდო [VIDEO]
