პირველი ტაიმი მასპინძლებმა უკეთ ჩაატარეს, უფრო ლამაზად და ეფექტურად თამაშობდნენ და მარკინიოსის გატანილი გოლით 1:0 მოიგეს. მარკინიოსი პირველი მცველია, რომელმაც ზედიზედ მეორე სეზონში ტურნირზე მეოთხედფინალსა და ნახევარფინალში გაიტანა. მან თავისი ბოლო 7 გოლიდან 5 ჩემპიონთა ლიგაზე გაიტანა. დი მარიამ პარიზულ გუნდში ყველა ტურნირზე 103-ე საგოლე გადაცემა გააკეთა (6 სეზონში) და საფეტ სუშიჩის საკლუბო რეკორდი გაიმეორა.
მეორე ტაიმში თამაში გათანაბრდა, „სიტი“ მომენტებს ვერ ქმნიდა, მაგრამ მეკარე ნავასმა კურიოზული გოლი გაუშვა და ანგარიში გათანაბრდა, ცოტა ხანში კი მარეზმა საჯარიმოდან ბურთი მეტოქის ცოცხალ კედელში გააძვრინა და „სიტი“ დააწინაურა. ჩემპიონთა ლიგაზე სასტარტოში დაწყებულ 26 მატჩში რიადმა 8 გოლი გაიტანა და 12 საგოლე გადაცემა გააკეთა. 77-ე წუთზე „პარი სენ ჟერმენის“ ნახევარმცველი გეიე გიუნდოგანს ეუხეშა და მსაჯმა ბრიხმა პირდაპირი წითელი ბარათით გააძევა. ის ბოლო 8 წელიწადში ჩემპიონთა ლიგაზე ერთ სეზონში ორჯერ გაძევებული პირველი ფეხბურთელია.
ამ გუნდების საპასუხო შეხვედრა 4 მაისს „ეტიჰადზე“ გაიმართება. "სიტი" პსჟ-სთან ჯერ არასოდეს დამარცხებულა - 2 მოგება, 2 ფრე და ვნახოთ, რა მოხდება მათ მეხუთე დაპირისპირებაში.
"სიტიმ" მიმდინარე გათამაშებაზე 10 მატჩი მოიგო, რაც უკანასკნელ 17 წელიწადში პრემიერლიგის გუნდებისთვის საუკეთესო შედეგია.
ინგლისურმა გუნდებმა ჩემპიონთა ლიგის ისტორიაში 47-ჯერ მოიგეს პლეი-ოფის გასვლითი მატჩი და 47-ჯერ გავიდნენ შემდეგ ეტაპზე.
პარიზი.“პარკ დე პრენსი“
პსჟ - მანჩესტერ სიტი 1:2
გოლები: 1:0 მარკინიოსი (15), 1:1 დე ბრუინი (64), 1:2 მარეზი (68)
გაძევება: გეიე (77)
![alt](/pictures/image50/022fefeda661ff4656c79b7be5723251.jpg "ჩემპიონთა ლიგა. 1/2 ფინალი. "სიტიმ" პსჟ-ს თამაში შემოუტრიალა და ფინალისკენ ნაბიჯი გადადგა")
[PREVIEW] დიდი თამაშის მოლოდინში! სუპერშემტევი გუნდები ერთმანეთის პირისპირ
!["რეალში" ჯერ კიდევ არგადასული მბაპე "ბარსელონას" ფანებს უკვე შესძულდებათ - ნახეთ, რა უთხრა გასახდელისკენ მიმავალმა ფრანგმა კატალონიელთა გულშემატკივრებს [VIDEO]](/pictures/image7/c8d0781634d40a75628d9109aff3fe43.jpeg "\"რეალში\" ჯერ კიდევ არგადასული მბაპე \"ბარსელონას\" ფანებს უკვე შესძულდებათ - ნახეთ, რა უთხრა გასახდელისკენ მიმავალმა ფრანგმა კატალონიელთა გულშემატკივრებს [VIDEO]")
![ჩემპიონთა ლიგა. 1/4-ფინალი: დიდი მატჩები - "რეალმა" "სიტის", ხოლო "ბაიერნმა" "არსენალს" სძლია [VIDEO]](/pictures/image7/515b8298bc3e954e19bbd6aeee36feff.jpg "ჩემპიონთა ლიგა. 1/4-ფინალი: დიდი მატჩები - \"რეალმა\" \"სიტის\", ხოლო \"ბაიერნმა\" \"არსენალს\" სძლია [VIDEO]")
