ჩემპიონთა ლიგის პლეი-ოფის სამი დარჩენილი განმეორებითი მატჩი გაიმართა და ჯგუფური ეტაპის ყველა მონაწილე გაირკვა.
"შერიფმა" ტირასპოლში ზაგრების "დინამოს" 3:0 დამარცხების შემდეგ, ხორვატიაში უგოლო ფრეს მიაღწია და მიზანს უწია. ეს პირველი მოლდოვური გუნდია, რომელიც ევროპის უპრესტიჟულეს საკლუბო ტურნირზე მიიღებს მონაწილეობას. შეგახსენებთ, 2019 წელს ჩემპიონთა ლიგის პირველი საკვალიფიკაციო ეტაპიდან დნესტრისპირული კლუბი "საბურთალომ" გამოაგდო - სტუმრად 3:0 მოუგო, საკუთარ მოედანზე კი 1:3 წააგო.
"ზალცბურგმა" ისევ სძლია "ბრონდბიუს", ისევ 2:1, ამჯერად გასვლაზე და ჩემპიონთა ლიგაზე იასპარეზებს.
"შახტარს" "მონაკო" სტუმრად 1:0 ჰყავდა დამარცხებული და უკვე
აშკარა
ფავორიტად მიიჩნეოდა, მაგრამ ხარკოვში სტუმრებმა პირველი ტაიმი 2:0 მოიგეს, 74-ე წუთზე მარლოსმა ერთი საპასუხო ბურთი გაიტანა და ძირითადი დრო 1:2 დასრულდა. ვინაიდან ორი მატჩის ჯამში ანგარიში თანაბარი იყო, დამატებითი დრო დაინიშნა. 114-ე წუთზე მონეგასკების მცველმა აგილარმა საკუთარ კარში ჩაჭრა ბურთი, 2:2 და დონბასელები ისევ მიიღებენ მონაწილეობას ჩემპიონთა ლიგაზე. ტურნირზე მეორე უკრაინული გუნდი, კიევის "დინამოც" ითამაშებს.
ჯგუფური ეტაპის კენჭისყრა დღეს, 26 აგვისტოს, სტამბოლში თბილისის დროით 20:00 საათზე დაიწყება.
![alt](/pictures/image50/9f3e5b7fa3f5fa8fa49497fdb7540a3e.jpg ""საბურთალოს" მიერ ძლეული "შერიფი" ჩემპიონთა ლიგაზეა - ჯგუფური ტურნირის ყველა მონაწილე გაირკვა")
ქართველების გუნდი ჩემპიონთა ლიგაზე ვერ გავიდა
![აზაროვის საგოლე პასი - "შახტარი" თასის მფლობელიც გახდა [VIDEO]](/pictures/image7/6d6d5a1d5025c4c41b4371e6e0a35e18.jpg "აზაროვის საგოლე პასი - \"შახტარი\" თასის მფლობელიც გახდა [VIDEO]")
![აზაროვი და გოჩოლეიშვილი "შახტართან" ერთად უკრაინის ჩემპიონები გახდნენ [VIDEO]](/pictures/image7/d288892024e4b96f876b29cb3269487e.jpg "აზაროვი და გოჩოლეიშვილი \"შახტართან\" ერთად უკრაინის ჩემპიონები გახდნენ [VIDEO]")
!["ვერ ვიცხოვრებ ისეთ მამაკაცთან, რომელიც მინიმუმ ამ თანხას არ გამოიმუშავებს..." - მშვენიერი ანას თამამმა ფოტოებმა დიდი მოწონება დაიმსახურა [PHOTOS]](/pictures/image7/28b39335e371d89f6cbbefce40848aa6.jpg "\"ვერ ვიცხოვრებ ისეთ მამაკაცთან, რომელიც მინიმუმ ამ თანხას არ გამოიმუშავებს...\" - მშვენიერი ანას თამამმა ფოტოებმა დიდი მოწონება დაიმსახურა [PHOTOS]")
