მადრიდის "რეალის" ყოფილმა და კატარული "ალ რაიანის" ამჟამინდელმა ფეხბურთელმა ხამეს როდრიგესმა განაცხადა, თუ ვის უგულშემატკივრებს ჩემპიონთა ლიგის 2021/22 წლების სეზონის ფინალში, სადაც ერთმანეთს "ბლანკოსი" და "ლივერპული" შეხვდებიან.
"მინდა ჩემპიონთა ლიგის ფინალში "ლივერპულმა" გაიმარჯვოს. "რეალში" ბევრი მეგობარი მყავს, ფანტასტიკური გუნდია, თუმცა მსურს ჩემმა თანამემამულე ლუის დიასმა ეს პრესტიჟული ტიტული მოიგოს".
შეგახსენებთ, კოლუმბიელი სპორტსმენი "სამეფო გუნდის" ღირსებას 2014-20 წლებში იცავდა (2 წელი "ბაიერნში" იყო განათხოვრებული).
ლიგის ფინალი 28 მაისს გაიმართება.
მომზადებულია Championat-ის მიხედვით
