ჩემპიონთა ლიგის საკვალიფიკაციო ეტაპი გარკვეულ მოულოდნელობებს ყოველთვის გვთავაზობს. ერთ-ერთი ასეთი პირველივე რაუნდში დაფიქსირდა - სომხეთის ჩემპიონმა "პიუნიკმა" უეფას მთავარ საკლუბო ტურნირზე საკმაოდ გამოცდილი, რუმინული "კლუჟი" 2 მატჩის ჯამში დაამარცხა და შემდეგ ეტაპზე გავიდა.ერევანში გამართული შეხვედრა უგოლო ფრით დასრულდა, რუმინულ მატჩში კი მასპინძლები იგებდნენ, თუმცა სომხებმა ძირითადი დროის ამოწურვამდე ერთი წუთით ადრე გაათანაბრეს - მეტოქის კარი სერბმა მცველმა გაჯიჩმა აიღო. "კლუჟმა" დამატებით ტაიმებში გაიტანა, რასაც სომხური კლუბის მხრიდან თერთმეტმეტრიანის გამოუყენებლობა მოჰყვა, თუმცა მელიქიანის გუნდი არ შედრკა და გაჯიჩმა დუბლი შეასრულა.
"პიუნიკის" მომდევნო მეტოქე ლუქსემბურგის "დუდელანჟია". ასე რომ, ჩვენს მეზობლებს მე-2 ეტაპის გადალახვის რესურსი ნამდვილად აქვთ.
ასეთი წაგება მხოლოდ ჩვენ შეგვიძლია?! - ბათუმელთა მარცხის მიზეზები, რომლებიც ერთ შეცდომაზე ძვირად ფასობს...
ფულიანებო!თუ სამშობლო გიყვართ,გახსენით უფასო საფეხბურთო სკოლები და მოიძიეთ ქალაქების უბნებსა და რეგიონებში ტალანტები,მიეცით მათ ვარჯისისა და განვითარების საშუალება და ასმაგად უკან დაგიბრუნდებათ.