მშვენიერ ფორმაში მყოფი "კვარა" დღეს ჩემპიონთა ლიგაზე ზედიზედ მე-4 მატჩში გატანას ეცდება

ჩემპიონთა ლიგის მე-3 ტურში ხვიჩა კვარაცხელიას "ნაპოლი" საშინელ ფორმაში მყოფ "უნიონს" დაუპირისპირდება - დღეს, 24 ოქტომბერს, 23:00 საათზე. ბერლინელებს ზედიზედ 8 წაგება აქვთ, მათ შორის, ორი ჩემპიონთა ლიგაზე.

ურს ფიშერი მთავარ მწვრთნელად რჩება და ცოტათი აუხსნელია, სტარტზე სამი გამარჯვების შემდეგ რა მოხდა. რუდი გარსიას გუნდმა "ბრაგას" ავტოგოლის დახმარებით აჯობა, მადრიდის "რეალთან" კი ჯუდ ბელინგემი ვერაფრით შეაჩერა. "ფიორენტინასთან" მარცხმა თითქოს ფრანგის პოზიციები დაასუსტა, თუმცა ნეაპოლელები კრიზისიდან გამოსვლას მაინც ახერხებენ.



კვარაცხელიას გუნდი "მილანს" ახლა ხუთი ქულით ჩამორჩება. "ნაპოლის" გერმანულ კლუბებთან 8 მოგება, 5 ფრე და 9 მარცხი აქვს. გასულ სეზონში მათ ფრანკფურტის "აინტრახტს" აჯობეს და ლიგის მეოთხედფინალში გავიდნენ. კვარაცხელიამ დი ლორენცოს მშვენიერი საგოლე პასი გაუკეთა.

"ნაპოლის" დანაკლისი დიდია - ჟესუსი, ანგისა, ოსიმენი... მშვენიერ ფორმაში მყოფი კვარაცხელია ზედიზედ მეოთხე მატჩში (ნაკრების ჩათვლით) გატანას ეცდება. ნიგერიელის გარეშე ის "ვერონასთან" მშვენივრად გამოიყურებოდა, საკმაოდ ბევრი თავისუფალი სივრცე ჰქონდა და დრიბლინგებს წარმატებით აგვირგვინებდა.

"ოლიმპიაშტადიონზე" გასამართ შეხვედრას ბოსნიელი პოლიტო განსჯის, რომელიც საკმაოდ მკაცრი არბიტრია.

ხვიჩას აღნიშვნა, რომელიც გააპროტესტეს; რუის გამოქომაგება და ფაქტორები, რომელთა გამოც ოსიმენის გარეშე უკეთესია...