13 სექტემბერს გასამართი ჩემპიონთა ლიგის ჯგუფური ეტაპის შეხვედრა, სადაც გლაზგოში "რეინჯერსი" ხვიჩა კვარაცხელიას "ნაპოლის" უნდა დაუპირისპირდეს, შესაძლოა, გადაიდოს. ამის მიზეზი კი გაერთიანებული სამეფოს დედოფალის ელისაბედ მეორეს გარდაცვალება გახლავთ. მოგეხსენებათ, შოტლანდიასა და ინგლისში ადგილობრივი ჩემპიონატის ტურები უკვე გადაიდო.
აქვე გეტყვით, რომ სერია A-ს მორიგ ტურში დღეს კვარაცხელიას "ნაპოლი" თბილისის დროით 17:00 საათზე "სპეციას" დაუპირისპირდება.
შოტლანდიელები ინგლისელების სიყვარულით მართალია არ გამოირჩევიან, მაგრამ ჯერ ერთი გაერთიანებული სამეფოს შემადგენლობაში შედიან და ამასთან დედოფალი ელისაბედი 70 წლის განმავლობაში გამორჩეული სიყვარულით სარგებლობდა არა მარტო ინგლისელებში!