ჩემპიონთა ლიგის B ჯგუფში მადრიდის "ატლეტიკომ" "ლევერკუზენს" უმასპინძლა, შეხვედრა ფრედ, 2:2 დასრულდა.
პირველ ტაიმში მასპინძლების მხრიდან იანის კარასკომ მუსა დიაბისა და კალუმ ჰუდსონ ოდოის გოლებს უპასუხა, 50-ე წუთზე როდრიგო დე პაულმა ანგარიში გაათანაბრა.
"როხი ბლანკოს" ჯგუფური ეტაპის დასაძლევად ხსენებულ მატჩში 3 ქულა სჭირდებოდა, თუმცა კიდევ ერთი გოლის გატანა ვერ მოახერხა.
შეხვედრის მთავარი არბიტრის მიერ კომპენსირებულ 5 წუთში "ჩოლოს" შეგირდებმა კუთხური ჩააწოდეს, გერმანელებმა გამოიტანეს და მატჩიც დასრულდა, თუმცა 3 სასტვენის შემდეგ მსაჯს ყურში გადასცეს, რომ ხელით თამაში იყო და არბიტრმაც VAR-ზე გადამოწმების შემდეგ პენალტი დანიშნა. ნიშნულთან კარასკო მივიდა, თუმცა ვერ გამოიყენა, მადრიდელებმა დამატებაზე 2-ჯერ ითამაშეს, თუმცა გოლი არა და არ გავიდა.
ასე და ამგვარად, "ატლეტიკო" ჯგუფში ჩარჩა, ბოლო ტურში კი, 1-ელ ნოემბერს "პორტუს" ესტუმრება. იმ შემთხვევაში, თუ ესპანელები პორტუგალიაში ვერ მოიგებენ და "ლევერკუზენი" საკუთარ კედლებში "ბრიუგეს" დაამარცხებს, მაშინ "როხიბლანკო" ჯგუფში მე-4 ადგილზე გავა...
![alt](/pictures/image50/4dc81c76650770a4c68672d31f9228b8.jpg "დრამატული ბოლო წამები მადრიდში - საფინალო სასტვენის შემდეგ დანიშნული პენალტი და ჯგუფში ჩარჩენილი "ატლეტიკო" [VIDEO]")
"ნაპოლიმ" კვარაცხელიას გარეშე გაიმარჯვა და ჯგუფში ბოლო მატჩს "ენფილდზე" გამართავს![alt](/pictures/image50/b875fe14c9d5f67590fe8dcf7c6c491c.jpeg "დრამატული ბოლო წამები მადრიდში - საფინალო სასტვენის შემდეგ დანიშნული პენალტი და ჯგუფში ჩარჩენილი "ატლეტიკო" [VIDEO]")
ჩემპიონთა ლიგა. V ტური: კიდევ სამი მერვედფინალისტი გაირკვა [VIDEO] 
![გამორჩეული ოდიშიარია და "რიგასის" საპატიო ფრე "ანდერლეხტთან" [VIDEO]](/pictures/image7/3730e9823073b388ae01bf5f8e313092.jpg "გამორჩეული ოდიშიარია და \"რიგასის\" საპატიო ფრე \"ანდერლეხტთან\" [VIDEO]")
![ჩემპიონთა ლიგა. IV ტური: "ბარსელონა" შეუჩერებელია - იტალიური გუნდების წარმატებული სვლა გრძელდება [VIDEO]](/pictures/image7/9aabdb4edc99f3cf31c03002fb06545e.jpeg "ჩემპიონთა ლიგა. IV ტური: \"ბარსელონა\" შეუჩერებელია - იტალიური გუნდების წარმატებული სვლა გრძელდება [VIDEO]")
