დონეცკის "შახტარი" ჩემპიონთა ლიგის საშინაო მატჩების ჩატარებას გერმანიაში, ქალაქ ჰამბურგში აპირებს. ამის შესახებ, იუთუბ არხ "ТаТоТаке-სთან" ინტერვიუში უკრაინული კლუბის დირექტორმა, იური სვირიდოვმა ისაუბრა. გასულ სეზონში "შახტარი" ევროტურნირების საშინაო შეხვედრებს პოლონეთის დედაქალაქ ვარშავაში ატარებდა, თუმცა წელს ამ ვარიანტზე უარი თქვეს. მიზეზი, ძირითადად, ორია: ერთ-ერთ დიდ არენაზე "ლეგია" ითამაშებს, რომელიც, შესაძლოა, კონფერენსლიგაზე გავიდეს. მეორე სტადიონის გრაფიკიც სრულად დატვირთულია. ვარშავაში სხვა სტადიონები მცირე ტევადობის არის.
უკრაინის ჩემპიონმა ჰამბურგი იმიტომ აირჩია, რომ ის გერმანიის დიდი ქალაქებიდან ერთადერთია, რომლის წარმომადგენელი გუნდიც ევროტურნირებზე არ თამაშობს. ქალაქის
მოგეხსენებათ, დონეცკის "შახტარი" მშობლიურ "დონბას არენაზე" 2014 წლიდან ვერ თამაშობს, სწორედ 9 წლის წინ მოახდინა რუსეთმა ყირიმისა და დონბასის ოკუპაცია. 2022 წლის შემდეგ, რაც ვლადიმირ პუტინმა უკრაინის ტერიტორიაზე ომი გააჩაღა, "შახტარი" ვერც სამშობლოს სხვა სტადიონზე ახერხებს საერთაშორისო მატჩების გამართვას.
