საქართველოს პარლამენტის წევრი და ყოფილი ძიუდოისტი შოთა ხაბარელი სოციალურ ქსელში ბუდუ ზივზივაძის განცხადებას გამოეხმაურა. საქართველოს ნაკრების ფორვარდმა გუშინ "უცხოური აგენტების შესახებ" კანონსა და ქვეყანაში მიმდინარე მოვლენებზე საკუთარი პოზიცია დააფიქსირა."ბუდუ, შვილო, როგორც ფეხბურთელს, მაგალითად, კახა კალაძეს ცოტა მეტი უთამაშია, შედეგებისთვის მიუღწევია, მერე ამ ქვეყნის გათავისუფლებისთვის უბრძოლია სისხლიანი ჯალათებისგან და სამწუხაროდ, ახლაც ამ ბრძოლის გაგრძელება უწევს. გაცილებით მეტი, მით უმეტეს, პოლიტიკაშიც უნახავს და ზუსტად ვიცით ყველამ, რომ საკუთარი ქვეყნის არც გარუსებას დაუჭერს როდესმე მხარს და არც რომელიმე ქვეყნის ვასალობას. მეც რაღაც
ამიტომ, მოგმართავ, როგორც ფეხბურთელს, სპორტსმენს და ადამიანს, რომელმაც ამით გაითქვი სახელი და სულ არ იცის არავინ, რა დონეზე ერკვევი პოლიტიკაში და მიმდინარე მოვლენებში. პირველ რიგში, შენს წინამორბედ ვაჟკაც და პატრიოტ ხალხს, კალაძეს, კობიაშვილს, ყაველაშვილს და ნურც სხვებს გვკადრებ ისეთ რამეს, რის წინააღმდგაც ვიბრძვით და ლოზუნგებზე ნუ წამოეგები.
ან კანონი წაიკითხე და გვითხარი, რა არ მოგწონს იქ, ან ისეთ არხებს უყურე, სადაც ნახავ, როგორ ესხმიან თავს პოლიციელებს, დედას აგინებენ, სახეში აფურთხებენ, ქვებს და აგურებს ესვრიან თავში და ცალმხრივად აღარ ილაპარაკებ. ევროპას რაც შეეხება, მაგისთვის ყველაფერი კეთდება და თუკი რამე ნაბიჯი გადაიდგა ევროპისკენ, ჩვენმა გუნდმა გადადგა ყველა და არა ამ აქციების ორგანიზატორებმა, ოღონდ ისე კი არა, მონებად რომ შევიდეთ, წევრებად რომ მიგვიღონ, ამას ვცდილობთ და იქნებ გაარჩიო ეს ყველაფერი ერთმანეთისგან. არ მგონია, შენ გინდოდეს ლომჯარიას დეკლარაციისთვის ეროვნულ და ამავდროულად, ევროპულ არჩევანს საფრთხე დაემუქროს. ამიტომ, სანამ რამეს დაწერ, ან ცოტა დაფიქრდი, ან შენ წინამორბედებს ჰკითხე ბოლო-ბოლო და აგიხსნიან, სინამდვილეში რა ბრძოლა მიდის ახლა…", - წერს ხაბარელი.
![alt](/pictures/image50/82347038254817ec7e6057b1bcbab34a.png ""პირველ რიგში შენს წინამორბედ ვაჟკაც და პატრიოტ ხალხს, კალაძეს, კობიაშვილს, ყაველაშვილს და ნურც სხვებს გვკადრებ ისეთ რამეს, რის წინააღმდგაც ვიბრძვით და ლოზუნგებზე ნუ წამოეგები" - ხაბარელმა ზივზივაძეს მიმართა")
"არა რუსეთს, და არა ყველაფერს, რაც საქართველოს რუსეთისკენ მიაქანებს" - ბუდუ ზივზივაძე
თქვენ დასავლეთს აგინებთ და რუსეთს აქებთ. ამიტომ თქვენი "ლოგიკა" არ გვაინტერესებს.
რუსეთსაც რომ აგინებდეთ, მაშინ ვინმე, ალბათ, მოგისმენდათ. ხალხი იფიქრებდა, რომ თქვენ ობიექტურ და დამოუკიდებელ აზრებს უზიარებთ საზოგადოებას. მაგრამ თქვენი დამკვეთი არის რუსული ქურდული ოცნება. და ამიტომ აგინებთ კარგ ქართველ ადამიანებს.
ყველაფერს როგორ იტყუებით.
აი ეგ ხართ და მაგიტომ ვერ გიტანთ ხალხი. კალაძეზე დაპოსტილზე გეუბნები, შე არასწორი.
თითქმის ყველას, გარდა საჯდომის მთამაშელებს, უნდათ კარგი საქართველოსთვის და ისე აჟღერებს, როგორც სჯერა.
პლანეტა დედამიწაზე, ისეთ განვითარებად ქვეყნებზე, როგორიც ჩვენ ვართ, ფულის გათეთრების პროცესი ძალიან ადვილია და ჩრდილოელი, თუ დასავლეთელი ამას ცდილობს. დღეს დასავლეთელის აყრია და მე ვფიქრობ ის ბიუროკრატები, რომლებიც ტვინს გვიღუნავენ, დიდ ფულს აკეთებენ ჩვენზე. (ჩემი პირადი აზრია).
დაფიქრება გვმართებს. მეგობარი ჩვენ არ გვყავს, რუქაზე. ყველა თავისას აწვება.