ჩემპიონთა ლიგა. VI ტური: "რეალმა" "ატალანტას" სძლია - მბაპემ ტრავმა მიიღო [VIDEO]

ჩემპიონთა ლიგაზე მეექვსე ტურის პირველი სათამაშო დღის მატჩები ჩატარდა.

„რეალმა“ გასვლაზე ძალიან სანახაობრივ შეხვედრაში „ატალანტა“ 3:2 დაამარცხა. მადრიდელთა თავდამსხმელმა მბაპემ გოლი გაიტანა, 35-ე წუთზე კი ტრავმა მიიღო და შეცვალეს. მასპინძლებს ზედ მსაჯის საფინალო სასტვენის წინ ანგარიშის გათანაბრება შეეძლოთ, მაგრამ ლუკმანის ჩაწოდებული ბურთი რეტეგიმ სამიოდ მეტრიდან კარში ვერ გადაგზავნა. "სამეფო გუნდმა" ყველა ტურნირზე ბოლო 4 დაპირისპირებიდან 3-ში იმარჯვა.

„შახტარი“ „ბაიერნთან“ 1:5 განადგურდა. დონეცკურ გუნდში ირაკლი აზაროვი ისევ სათადარიგო იყო.

პსჟ-მა „ზალცბურგს“ (3:0), „ბრესტმა“ პსვ-ს (1:0), „ასტონ ვილამ“ „ლაიფციგს“ (3:2), „ბაიერმა“ „ინტერს“ (1:0), „ბრიუგემ“ კი „სპორტინგს“ (2:1) სძლია.

„ლივერპულმა“ კატალონიაში „ჟირონას“ 1:0 სალაჰის გატანილი პენალტით მოუგო და 18 ქულით ლიდერია.

ზაგრები. „მაკსიმირი“
დინამო (ზ) - სელტიკი 0:0

ჟირონა. „მონტილივი“
ჟირონა - ლივერპული 0:1
გოლი: 0:1 სალაჰი (63, პენ)

ბერგამო. „ატლეტი აძური დ’იტალია“
ატალანტა - რეალი 2:3
გოლები: 0:1 მბაპე (10), 1:1 დე კეტელარე (45+2, პენ), 1:2 ვინისიუსი (57), 1:3 ბელინგემი (59), 2:3 ლუკმანი (65)

ლევერკუზენი. „ბაიარენა“
ბაიერი - ინტერი 1:0
გოლი: მუკიელე (90)

გენგამი. „სტად დიუ რუდურუ“
ბრესტი - პსვ 1:0
გოლი: ლე კარდინალი (43)

ბრიუგე. „იან ბრეიდელი“
ბრიუგე - სპორტინგი 2:1
გოლები: 0:1 კატამუ (3), 1:1 კუარეჟმა (24, საკ. კარში), 2:1 ნილსენი (83)

ზალცბურგი. „რედ ბულ არენა“
ზალცბურგი - პსჟ 0:3
გოლები: 0:1 რამუში (30), 0:2 მენდეში (72), 0:3 დუე (85)

ლაიფციგი. „რედ ბულ არენა“
ლაიფციგი - ასტონ ვილა 2:3
გოლები: 0:1 მაკგინი (3), 1:1 ოპენდა (27), 1:2 დურანი (52), 2:2 ბაუმგარტნერი (62), 2:3 ბარკლი (85)

გელზენკირხენი. „ფელტინს-არენა“
შახტარი - ბაიერნი 1:5
გოლები: 1:0 კევინი(5), 1:1 ლაიმერი (11), 1:2 მიულერი (45), 1:3 ოლისე (70, პენ), 1:4 მუსიალა (87), 1:5 ოლისე (90+3)

ჩემპიონთა ლიგა. V ტური: ორი გამოუყენებელი პენალტი - "რეალი" "ლივერპულთან" დამარცხდა და 24-ე პოზიციაზე დაქვეითდა [VIDEO]