პსჟ კვლავ ჩემპიონთა ლიგის ძიებაში, უკვე კვარაცხელიასთან ერთად!..

პსჟ კვლავ ჩემპიონთა ლიგის პირველი ტიტულის ძიებაშია და ხვიჩა კვარაცხელიას ფაქტორი ჩვენ რწმენასა და სურვილს აძლიერებს, რომ პარიზელების წელი იქნება. ცოტა ხნის წინ რთული წარმოსადგენი იყო, თუმცა "კვარა" ყველაზე პრესტიჟული საკლუბო ტურნირის პლეი-ოფში ზედიზედ მესამედ ითამაშებს, გაცილებით ძლიერი და პერსპექტიული გუნდით!..

სამშაბათს, 11 თებერვალს, 1/16 ფინალს პსჟ გახსნის და თანაც, ჩვენთვის უფრო მისაღებ დროს, 21:45 სთ-ზე. ლუის ენრიკეს გუნდი "ბრესტს", რომელსაც ცოტა ხნის წინ დამაჯერებლად (5:2) მოუგო, ჯერ ისევ სტუმრად ეთამაშება(განმეორებითი ერთ კვირაშია), ოღონდ ისინი საერთაშორისო შეხვედრებს გენგამში, "სტად დე რუდურუზე" (19 060) ატარებენ.

ლიგის ფაზის დასაწყისში პსჟ-მა 5 შეხვედრიდან მხოლოდ ერთი მოიგო, ბოლოს კი ვითარება გამოასწორა. ენრიკეს გუნდი ზედიზედ მეოთხე გამარჯვებას ეცდება, რაც ამ ტურნირზე მათ 2021 წლის შემდეგ არ ჰქონიათ. ისინი ლიგა 1-ში ზედიზედ მეოთხე ჩემპიონობისკენაც აქტიურად მიიწევენ. ამ საქმეში საკუთარი წვლილის შეტანა კვარაცხელიამაც დაიწყო!..

ხვიჩა და პსჟ "ბრესტს" ცოტა ხნის წინ დაუპირისპირდა



გასაკვირი ის იყო, რომ "ბრესტი" პლეი-ოფამდე უფრო მარტივად მივიდა, გასულ სეზონში საფრანგეთში საუკეთესო მწვრთნელ როის გუნდი დაცვაში ძლიერია და სწრაფი შეტევები გამოარჩევს. მიუხედავად იმისა, მოწინააღმდეგეები ერთმანეთს კარგად იცნობენ, პსჟ-ს დიდი უპირატესობა აქვს, მაინც განსხვავებულ დაპირისპირებას ველით, ეს სხვა მასშტაბია.

ხვიჩას დებიუტს ვნახავთ, პარიზელებს კი ზაირე-ემერი კვლავ აკლიათ. სტუმრები ლუდოვიკ აჟორკეს უნდა უფრთხოდნენ, რომელმაც 1-ელ თებერვალსაც გაუტანათ.

მთავარი მსაჯი ბოსნიელი ირფან პელჯტო იქნება, რომელიც გაფრთხილება - გაძევებებს არ ერიდება. ჩემპიონთა ლიგაზე ბოლო მატჩში, "ინტერის" წინააღმდეგ, "მონაკოს" ფეხბურთელი მე-12 წუთზევე გააძევა. ირფანმა "ბრესტს" ცოტა ხნის წინ, "ბარსელონასთან" უმსაჯა. აღსანიშნავია, რომ პელჯტომ ბოლო სანაკრებო შეხვედრაშიც, 14 ოქტომბერს, საფრანგეთის ნაკრებისა და "რეალის" ნახევარმცველ ჩუამენს მოედანი წითელი ბარათით დაატოვებინა.

სხვა მატჩები:

სამშაბათი, 23:59 სთ:

სიტი - რეალი;

იუვენტუსი - პსვ;

სპორტინგი - დორტმუნდი.

ოთხშაბათი, 21:45 სთ:

ბრიუგე - ატალანტა;

23:59 სთ:

სელტიკი - ბაიერნი;

ფეიენოორდი - მილანი;

მონაკო - ბენფიკა.

ხვიჩამ მხოლოდ ლამაზი თამაში გადაწყვიტა - რაც ყელში ამოგვივიდა!..