ესპანეთის ფეხბურთის ფედერაციის პრეზიდენტი ანხელ მარია ვილიარი და მისი ვაჟი, შესაძლოა, ციხიდან თავდებით გაუშვან. როგორც Football Espana იუწყება, გირაოს თანხა პრეზიდენტისთვის 300 ათას ევროს შეადგენს და მისი ვაჟისთვის - 150 ათასს.ვილიარი, მისი შვილი გორკა, ფედერაციის ვიცე-პრეზიდენტი და სხვა ჩინოვნიკები 18 ივლისს, ანტიკორუპციული რეიდის დროს დააპატიმრეს. ვილიარსა და მის ხელქვეითებს ბრალად ედებათ არასწორი ადმინისტრირება, თანხის მიტაცება და თაღლითობა ფეხბურთის ფედერაციის მართვის დროს. ჯამში ლაპარაკია 45 მილიონ ევროზე.
(იბეჭდება მცირე ცვლილებით)
ყოველდღიური სპორტული გაზეთი "ლელო"
