"ბარსელონამ" და მისმა ფორვარდმა ლუის სუარესმა მოილაპარაკეს, რომ ნოემბერში ურუგვაელი ოპერაციას გაიკეთებს მარჯვენა მუხლზე.კლუბმა თარიღი იმის მიხედვით აირჩია, რომ ფორვარდმა მაქსიმალურად ნაკლები თამაში გამოტოვოს. Sport-სა და Cataalunya Radio-ს თანახმად, "ბარსელონა" იმედოვნებს, რომ ურუგვაი მსოფლიოს ჩემპიონატზე პირდაპირ მოხვდება და სუარესს არ დასჭირდება დამატებით პლეი ოფის მატჩებში თამაში.
თუ ყველაფერი გეგმის მიხედვით წავა, სუარესი ორ-სამ კვირას გამოტოვებს და "ბარსელონას" მხოლოდ ორ შეხვედრაში ვერ დაეხმარება.
(იბეჭდება მცირე ცვლილებით)
ყოველდღიური სპორტული გაზეთი "ლელო"
