მადრიდის "რეალისა" და ესპანეთის ნაკრების ყოფილი თავდამსხმელი მომდევნო თვეში "სამეფო კლუბში" სამწვრთნელო საქმიანობას დაიწყებს.ესპანური Marca-ს ინფორმაციით, რაული, რომელმაც კარიერა 2015 წელს დაასრულა, მწვრთნელის ლიცენზიას აიღებს და "რეალის" 18-წლამდელთა გუნდს ჩაუდგება სათავეში.
შეგახსენებთ, რომ რაული "რეალში" 1994 წლიდან 2010 წლამდე თამაშობდა. ესპანელი "სამეფო კლუბის" მაისურით 6-ჯერ გახდა ესპანეთის ჩემპიონი, სამჯერ მოიგო ჩემპიონთა ლიგა და ხუთჯერ აღიარეს ესპანეთის წლის ფეხბურთელად.
გარდა ამისა, რაული "შალკეში", "ალ-სადსა" და "ნიუ იორკ კოსმოსში" თამაშობდა.
