ზამთარი დგას, ეს კი იმას ნიშნავს, რომ მადრიდი ახლა, იანვარში, შეეცდება, ვინმე იყიდოს გუნდის გასაძლიერებლად. ამასთან, მნიშვნელოვანია გვახსოვდეს: "რეალში" წარუმატებელი ტრანსფერებიც ხშირად ხდება.
მატეო კოვაჩიჩი (29 მილიონი ევრო, 2015 წელი)
რაც დრო გადის, მით უფრო მეტი ხმები ვრცელდება "რეალში" ედენ აზარის სავარაუდო გადასვლაზე. შეიძლება ვინმეს მოეჩვენოს, რომ ბელგიელი წარმატებით ჩაეწერება "სამეფო კლუბის" შემადგენლობაში, მაგრამ გარანტიები არ არსებობს. ამას ადასტურებს მისი თანაკლუბელი მატეო კოვაჩიჩი, რომელიც "რეალში" 2015 წელს გადავიდა.თავდაპირველად ხორვატი ფეხბურთელი ხშირად იჯდა ხოლმე სათა
დარიგოთა სკამზე. არაფერი შეცვლილა რაფა ბენიტესის გათავისუფლებისა და ზინედინ ზიდანის მოსვლის შემდეგაც. აბა, როგორ უნდა ამოაგდო შემადგენლობიდან ლუკა მოდრიჩი, ტონი კროსი და კაზემირო? თანაც, უიღბლო ნახევარმცველს ნაკრებშიც იგივე პრობლემა აქვს: მისი პოზიცია უკვე დაკავებული აქვთ იგივე მოდრიჩს, რაკიტიჩს და მილან ბადელს. სამ სეზონში 37 თამაშის შემდეგ მატეო კოვაჩიჩი "ჩელსიში" იჯარით წავიდა.
მაიკლ ოუენი (12 მილიონი ევრო + ანტონიო ნინიესი, 2004 წელი)
საშინელებებს მაიკლ ოუენის შესახებ არა მხოლოდ მადრიდის "რეალზე" ლაპარაკის დროს გაიგონებს კაცი, არამედ საერთოდ, ინგლისელების შესახებ სამშობლოს ფარგლებს გარეთ. მშობლიურ "ლივერპულში" მაიკლ ოუენი მეფე იყო და ნაკრებშიც არავის არ შეეძლო მისი შევიწროება, მაგრამ ვარსკვლავური ფორვარდი საკმაოდ იღლებოდა გუნდის მუდმივი მცდელობისაგან, რათა სამაგიერო მიეზღო "მანჩესტერ იუნაიტედისათვის". ამიტომაც 2004 წელს "რეალში" გადავიდა. შვიდ სეზონში "ლივერპულსა" და ინგლისის ნაკრებში თამაშისას მან თავის ანგარიშზე 142 გოლი ჩაიწერა, მაგრამ შემდეგ რა? "რეალში" გადასვლის შემდგომ მაიკლ ოუენმა ესპანეთის დედაქალაქში ერთ წელზე ნაკლები დაჰყო, ხოლო მომდევნო რვა სეზონის განმავლობაში კარიერაში მხოლოდ 64 გოლი გაიტანა.
![Sportall.Ge](/pictures/artimages/original/d56b9cd8094a8cd3ecb6ebc11221a8e7.jpg "ვუდგეიტი, კაკა და "რეალის" კიდევ რვა წარუმატებელი ტრანსფერი")
რა თქმა უნდა, "რეალის" ძირითად შემადგენლობაში ადგილის მოპოვება უფრო რთული იყო: ინგლისში იგი ემილ ჰესკისთან, მილან ბაროშთან, ელ-ჰაჯი დიუფთან და ფლორიან სინამა-პონგოლესთან ერთად თამაშობდა, მაგრამ მადრიდში აუცილებელი იყო, რონალდოსა და რაულის დონისთვის მიეღწია. 26 მატჩში 17 გოლი ცუდი შედეგი არ არის, მაგრამ რობინიოს 25 მლნ ევროდ ყიდვის შემდეგ მაიკლ ოუენი ზედმეტად ჩათვალეს და "ნიუკასლს" გადაულოცეს.
ნიკოლა ანელკა (35 მლნ ევრო, 1999 წელი)
მსოფლიოს ტურნეს წინ ნიკოლა ანელკას შეეძლო "რეალის" ვარსკვლავი გამხდარიყო, რომელშიც იგი 1999 წელს გადავიდა. სწრაფმა, ჯიქურმა და შეუდრეკელმა ფრანგმა მონაწილეობა მიიღო "ბარსელონას" განადგურებაში ანგარიშით 3:0 და "ბაიერნის" ორ გოლში ჩემპიონთა ლიგის ნახევარფინალში. ისე ჩანდა, რომ ყველაფერი კარგად იქნებოდა, მაგრამ მისმა ხასიათმა ყველაფერი გააფუჭა. მწვრთნელ ვისენტე დელ ბოსკესთან კამათის შემდეგ იგი ძირითად შემადგენლობას 45 დღით გამოეთიშა.
![Sportall.Ge](/pictures/artimages/original/b0e7ee5e47c8bc07ce53e63c2a2733a3.png "ვუდგეიტი, კაკა და "რეალის" კიდევ რვა წარუმატებელი ტრანსფერი")
მოგვიანებით ნიკოლა ჩიოდა - გუნდს იმიტომ არ ვუყვარდი, რომ რაულის პოზიციები დავიკავეო. ერთი საჩემპიონო სეზონის შემდეგ ანელკა "პარი სენ-ჟერმენში" გადავიდა, სადაც ისევ იქაურ მწვრთნელს შეეკამათა. ამის შემდეგ მან ბედი კიდევ ათეულობით კლუბში სცადა.
ანტონიო კასანო (5 მლნ ევრო, 2006 წელი)
"რომადან" გადასვლის შემდეგ ანტონიო კასანო "რეალის" ფორმით მინდორზე 19-ჯერ გავიდა. მან გოლი ოთხჯერ გაიტანა, მაგრამ მინდვრიდან გააძევეს ფაბიო კაპელოს შეურაცხყოფის გამო (სხვათა შორის, "რომაშიც" ჰქონდა მსგავსი რამ ჩადენილი). შემდეგ რადიოეთერში საუბრისას განაცხადა, "რომაში" მინდა ისევ დაბრუნებაო. ბოლოს კი ტრავმა მიიღო და იჯარით "სამპდორიაში" მოხვდა.
ეს ისტორია არავის არ მოსწონებია, გარდა, ალბათ, სასტუმროს იმ თანამშრომლისა, რომელიც, როგორც ამბობენ, იტალიელისაგან გულუხვ "ჩაის" იღებდა.
![Sportall.Ge](/pictures/artimages/original/04355f88062742a556ccccf8856fe841.png "ვუდგეიტი, კაკა და "რეალის" კიდევ რვა წარუმატებელი ტრანსფერი")
თავად ფეხბურთელსაც დარჩა სასიამოვნო მოგონებები: "მადრიდში მეგობარი მყავდა - სასტუმროს ოფიციანტი, რომელსაც სამი-ოთხი ღვეზელი მოჰქონდა ხოლმე ჩემთვის სექსის შემდეგ, როცა მე ნომერში ქალი მყავდა. გაცვლა გამოგვდიოდა - მისგან ღვეზელს ვიღებდი, მას კი ჩემგან ქალი მიჰყავდა. სექსი და საჭმელი - იდეალური ღამეა".
დანილო (31.5 მლნ ევრო, 2015 წელი)
ბრაზილიელი მცველი "რეალში" "პორტუდან" 2015-ში გადავიდა, მაგრამ მხოლოდ დანი კარვახალის შეცვლა შეძლო, როცა იგი ტრავმირებული იყო. საერთოდ, დანილო ცუდი არ იყო, მაგრამ იმის გამო, რომ მისი ყოველი შეცდომა ადგილობრივ სპორტულ პრესას "სულ პირზე ეკერა", დანილოს მუდამ ხასიათი ჰქონდა გაფუჭებული. თუმცა მას მაინც ენატრება ესპანეთის დედაქალაქი: "ორი საოცარი წელი გავატარე სასიამოვნო ადამიანებთან, თან მნიშვნელოვანი გამარჯვებებით... მაგრამ რას ვიზამთ, ცვლილებები აუცილებელია". 2017-ში დანილო "მანჩესტერ სიტიში" გადავიდა, სადაც ხშირად აკვირდება კაილ უოკერისა და ბენჯამინ მედის თამაშს.
დიდი (1959 წელი)
დიდი (ნამდვილი სახელი - ვალდირ პერეირა) მუნდიალის ოქროს ფლობდა და 1959-ში "რეალში" მისი მისვლა მოსალოდნელი იყო. ამასთან, მართალია, ბრაზილიაში მას ლიდერად და ბრძენ ნახევარმცველად იცნობდნენ, მაგრამ "რეალსაც" თავისი ლიდერი ჰყავდა - ალფრედო დი სტეფანო, რომელსაც გულის სიღრმეში არ სიამოვნებდა, ახალ თანაკლუბელს რომ მსოფლიოში საუკეთესოს უწოდებდნენ. სხვათა შორის, ამ წოდებისაკენ ფერენც პუშკაში და რაიმონ კოპაც მიისწრაფოდნენ და როგორც კი ბრაზილიელს "ფეხი აუცურდა", იგი სინანულის გარეშე გაისტუმრეს ჯერ "ვალენსიაში", შემდეგ კი "ბოტაფოგოში".
თვითონ ვალდირ პერეირას ადგილობრივი ფეხბურთი სძულდა: "ჩვენ ცხოველებისაგან ადამიანური ინტელექტითა და კრიტიკულად აზროვნების უნარით განვსხვავდებით. აბა, რა სარგებლობას მოიტანს ის ფეხბურთელი, რომელსაც მხოლოდ ფიზიკური ძალის იმედი აქვს?", - ამბობდა დიდი ბრაზილიელი.
სხვათა შორის, მან არაკეთილმსურველებზე "შურისძიებაც" შეძლო და 1962 წლის მსოფლიოს ჩემპიონატი მოიგო. აფრედო დი სტეფანოს კი ფინალში არასოდეს არ უთამაშია: არგენტინა 1954 და 1958 წლების ჩემპიონატში არ მონაწილეობდა, 1962 წლისათვის კი დი სტეფანომ ესპანეთის მოქალაქეობა მიიღო. იგი "ფურია როხას" კვალიფიკაციაში დაეხმარა, მაგრამ შემდეგ ტრავმა მიიღო.
ჯონათან ვუდგეიტი (20 მილიონი ევრო, 2004 წელი)
ჯონათანი ისე კარგად თამაშობდა, რომ უკვე 19 წლისას ინგლისის ნაკრებში დაუძახეს. "ლიდსში" იგი წარმატებით უპირისპირდებოდა რიო ფერდინანდსა და ლუკას რადებეს, ლიდერობდა "ნიუკასლშიც". როცა ჩემპიონთა ლიგაში "რეალმა" ჯონათანის თამაში ნახა, ინგლისელს და მის თანამემამულე მაიკლ ოუენს ერთად გაუფორმა კონტრაქტი.
![Sportall.Ge](/pictures/artimages/original/cafe618617d012590ed8b793dc37d58a.png "ვუდგეიტი, კაკა და "რეალის" კიდევ რვა წარუმატებელი ტრანსფერი")
მაგრამ ვუდგეიტი ხშირად იღებდა ტრავმებს და სამ წელიწადში ძირითად შემადგენლობაში მხოლოდ ცხრაჯერ გავიდა. 2005 წლის სექტემბერში იგი პირველად გავიდა "ატლეტიკოს" წინააღმდეგ, მაგრამ სწორედ მაშინ მან გოლი საკუთარ კარში გაიტანა და ასევე, მოედნიდან გააძევეს. 2007-ში გაზეთ "მარკას" მკითხველებმა იგი საუკუნის ყველაზე ცუდ შენაძენად შერაცხეს. საბოლოო ჯამში, ჯონათან ვუდგეიტი "რეალიდან" "მიდლსბროში" 7 მილიონ ფუნტად გაუშვეს.
კაკა (67 მილიონი ევრო, 2009 წელი)
როცა კაკა (რიკარდო ლეიტე) 2009-ში "რეალში" გადავიდა, რეკორდული ტრანსფერი განხორციელდა. იგი 27 წლისა იყო - ფორმის პიკში. მიღწევებს შორის - ჩემპიონთა ლიგა, "ოქროს ბურთი" და "წლის მოთამაშის" ტიტული. მაგრამ კაკაც ხშირად იღებდა ტრავმებს, რის გამოც იგი თავისი შესაძლებლობებს სრულად ვერ ავლენდა. 2010 წელს ის ფეხბურთს მთელი 8 თვით გამოეთიშა. მესუთ იოზილის "რეალში" მისვლაც კაკასათვის სასარგებლო არ ყოფილა.
![Sportall.Ge](/pictures/artimages/original/16751079a5d6bfef0e9a9cddcdaa4878.jpg "ვუდგეიტი, კაკა და "რეალის" კიდევ რვა წარუმატებელი ტრანსფერი")
კაკა ვარსკვლავი და ლეგენდა "მილანში" იყო, "რეალში" კი რიგითი - "გალაკტიკო". ის ვერ გრძნობა, რომ მადრიდში უყვარდათ; მოურინიოს დარწმუნებას ვერ ახერხებდა, რომ თამაშისთვის მზად იყო. 2013-ში კაკა "მილანში" დაბრუნდა ჩემპიონის ტიტულით და 120 მატჩში გატანილი 29 გოლით.
აგნე სიმონსონი (1960)
შვედი თავდამსხმელი აგნე სიმონსონი 1958 წლის მსოფლიო ჩემპიონატის ვარსკვლავი იყო და ამ თვალსაზრისით, ალფრედო დი სტეფანოს კიდევ ერთი კონკურენტი, რომელიც მან "შეჭამა". 23 წლის ფეხბურთელს წინა ხაზზე უნდა ეთამაშა, უკვე სიბერეშეპარულ არგენტინელს - მის უკან, მაგრამ "თეთრ ისარს" (დი სტეფანოს მეტსახელი) ჯერ კიდევ სჯეროდა, რომ იგი შეუცვლელი იყო და კონკურენტები მას არ სჭირდებოდა.
![Sportall.Ge](/pictures/artimages/original/cc65059f793338ca40ebb0fe733a3ca4.jpg "ვუდგეიტი, კაკა და "რეალის" კიდევ რვა წარუმატებელი ტრანსფერი")
ამიტომ იგი მუდმივად ცდილობდა წინ გაჭრას და ამით ხელს უშლიდა აგნე სიმონსონს. საბოლოო ჯამში, შვედმა "რეალში" სამჯერ ითამაშა, შემდეგ "სოსიედადში" გადავიდა და ბოლოს, შვედურ "ერგრიუტეში" დაბრუნდა.
ვალტერ სამუელი (23 მლნ ევრო, 2004 წელი)
უკვე მეშვიდე წელი იყო, რაც ვალტერ სამუელი არგენტინელი და იტალიელი თავდამსხმელებისათვის გაუვალ მცველს წარმოადგენდა. ტყუილად კი არ უწოდეს მას "კედელი". მაგრამ უიღბლო 2004 წელს მან ვერ შეძლო "რეალისთვის" თავისი მნიშვნელობა დაემტკიცებინა. გუნდში გადაწყვიტეს, რომ ახალბედისთვის მეორე შანსი აღარ მიეცათ და "ინტერს" გადაულოცეს, სადაც მან კარგად თამაში დაიწყო და რეპუტაცია აღიდგინა.
![Sportall.Ge](/pictures/artimages/original/ebb2c117a13280af5d41ead4c03f7af6.jpg "ვუდგეიტი, კაკა და "რეალის" კიდევ რვა წარუმატებელი ტრანსფერი")
ამის ახსნა ადვილია: იტალიაში ვალტერ სამუელი ნახევარმცველებთან - კამბიასოსთან, ვიეირასთან და მოტოსთან, აგრეთვე მცველებთან - ძანეტისთან და კივუსთან ერთად თამაშობდა. მაშინდელ "რეალში" მცველები სალგადო და რობერტო კარლოსი ვინგერები იყვნენ და მხოლოდ თომას გრავესენი ფიქრობდა დაცვაზე.
![alt](/pictures/image50/ad32926b58f07f82cb15f8a3f06a5076.jpg "ვუდგეიტი, კაკა და "რეალის" კიდევ რვა წარუმატებელი ტრანსფერი")
"ტოტენჰემი" "რეალს": კეინი გინდათ? 350 მლნ ევრო გადაიხადეთ![alt](/pictures/image50/1615e634fb0265fd2cbe3d60ab020dac.jpg "ვუდგეიტი, კაკა და "რეალის" კიდევ რვა წარუმატებელი ტრანსფერი")
სრული ბედნიერებისთვის "რეალს" ესღა აკლია - ფედორ სმოლოვი
