2 აპრილს, ლა ლიგას 30-ე ტურში "ვილიარეალისა" და "ბარსელონას" საოცარი მატჩი 4:4 დასრულდა.
"ბარსას" მწვრთნელმა ვალვერდემ ამ შეხვედრაში თავდამსხმელ მესის დასვენება გადაწყვიტა და თავიდან თითქოს მის გარეშეც გადიოდნენ ფონს, კოუტინიოს და მალკომის გოლებით 2:0 დაწინაურდნენ, მაგრამ როდესაც ანგარიში გათანაბრდა, მესი 61-ე წუთზე შეუშვა შეცვლაზე და "ყვითელმა სუბმარინამ" ამის შემდეგ კიდევ 2 გოლი გაიტანა.
86-ე წუთზე მსაჯმა მეორე ყვითელი ბარათი უჩვენა მასპინძელთა მცველს გონსალესს, მერე კი ჯერ მესიმ დალაშქრა ასენხიოს კარი, ზედ საფინალო სასტვენის წინ კი სუარესმა.
კოუტინიომ პრიმერაზე 17-მატჩიანი უგოლო სერია შეწყვიტა, მალკომმა კი პირველი გოლი გაიტანა.
მესი ევროპის ტოპ 5 ლიგაში გატანილი გოლებით დაეწია - ორივეს ანგარიშზე 414-414 გოლია.
ასე და ამრიგად, ახლა "ბარსელონას" მეორეადგილოსანი "ატლეტიკო" 8 ქულით ჩამორჩება.
6 აპრილს ეს გუნდები ერთმანეთს "ნოუ კამპზე" შეხვდებიან.
ვილიარეალი. "დე ლა სერამიკა". 19 515 მაყურებელი
ვილიარეალი - ბარსელონა 4:4
გოლები: 0:1 კოუტინიო (12), 0:2 მალკომი (16), 1:2 ჩუკვეუზე (23), 2:2 ეკამბი (50), 3:2 იბორა (62), 4:2 ბაკა (80), 4:3 მესი (90), 4:4 სუარესი (90+3)
გაძევება: გონსალესი (86)
![alt](/pictures/image50/41bfbb66cac8312eb676642817701847.jpg ""ყვითელმა სუბმარინამ" 0:2-დან ამოყვინთა, მაგრამ "ბარსელონა" ბოლომდე მაინც ვერ ჩაძირა")
ლუის სუარესი: არა მგონია, დღეს კარგად გვეთამაშოს![alt](/pictures/image50/58f0b183c14ca41455b7b45f12b42b54.jpg ""ყვითელმა სუბმარინამ" 0:2-დან ამოყვინთა, მაგრამ "ბარსელონა" ბოლომდე მაინც ვერ ჩაძირა [VIDEO]")
ერნესტო ვალვერდე: საფინალო სასტვენამდე 3 წუთით ადრე საქმე ძალიან ცუდად გვქონდა - ლეო მესი ოსტატია
![რუდიგერმა "ბარსელონა" "ლეგანესის" მატჩის შედეგი შეიტყო - "რეალის" გერმანელი მცველის რეაქცია ინტერნეტს იპყრობს [VIDEO]](/pictures/image7/c401b4e543528e29217135b3b291880c.jpeg "რუდიგერმა \"ბარსელონა\" \"ლეგანესის\" მატჩის შედეგი შეიტყო - \"რეალის\" გერმანელი მცველის რეაქცია ინტერნეტს იპყრობს [VIDEO]")
