21 აპრილს, ლა ლიგას 33-ე ტურში "რეალმა" საკუთარ მოედანზე "ბილბაოს" 3:0 სძლია.
ბასკურმა გუნდმა მხოლოდ პირველ ტაიმში გაუწია "ბლანკოსს" წინააღმდეგობა, შესვენების შემდეგ კი თავდამსხმელმა ქარიმ ბენზემამ ჰეთ-თრიკი შეასრულა და თავის გუნდს გამარჯვება მოაპოვებინა.
ბენზემამ ბოლო 5 შეხვედრაში 8 გოლი გაიტანა, ჰეთ-თრიკი კი ამ სეზონში პირველად შეასრულა.
ნახევარმცველმა ლუკა მოდრიჩმა "სამეფო გუნდში" მე-300 მატჩი ჩაატარა.
თავდამსხმელი გარეთ ბეილი 70-ე წუთზე შევიდა შეცვლაზე და მას გულშემატკივრებმა ობსტრუქცია მოუწყვეს.
"რეალი" 64 ქულით მესამე ადგილზეა, მეორეადგილოსან "ატლეტიკოს" 4 ქულით ჩამორჩება და 25 აპრილს, შემდეგ ტურში სტუმრად "ხეტაფეს" შეხვდება.
მადრიდი. "სანტიაგო ბერნაბეუ". 59 815 მაყურებელი
რეალი - ბილბაო 3:0
გოლები: 1:0 ბენზემა (47), 2:0 ბენზემა (76), 3:0 ბენზემა (90)
![alt](/pictures/image50/c89401993f1e4fbe3257185d38959aab.jpg "კარიმ ბენზემა ახალი რონალდოა? - "ბილბაომ" "რეალს" მხოლოდ 1 ტაიმი გაუძლო [VIDEO]")
ზინედინ ზიდანი: ქარიმ ბენზემა მსოფლიოს საუკეთესო "ცხრიანია"
![ჩემპიონთა ლიგა. 1/4-ფინალი: ფეხბურთი მთელი თავისი დიდებულებით - "რეალი" და "სიტი" და "არსენალი" და "ბაიერნი" დროებით დაზავდნენ [VIDEO]](/pictures/image7/cc9db1aa6045dcaf1c1ee64dd9e6126d.jpg "ჩემპიონთა ლიგა. 1/4-ფინალი: ფეხბურთი მთელი თავისი დიდებულებით - \"რეალი\" და \"სიტი\" და \"არსენალი\" და \"ბაიერნი\" დროებით დაზავდნენ [VIDEO]")
