ესპანეთის პოლიცია ატარებს გამოძიებას ლა ლიგის 38-ე ტურის მატჩის გარშემო, რომელშიც "ვალიადოლიდი" სახლში "ვალენსიასთან" დამარცხდა - 0:2. აღნიშნული შეხვედრა 18 მაისს გაიმართა.
როგორც El Mundo იტყობინება, ვალიადოლიდური კლუბის 7 ფეხბურთელი არის ეჭვმიტანილი. გამოცემის ინფორმაციით, ფეხბურთელებმა დაახლოებით 10 000 ევროს ოდენობის ფსონები გააკეთეს და ორჯერ მეტი უნდა მოეგოთ იმ შემთხვევაში, თუ "ვალიადოლიდი" ორივე ტაიმს წააგებდა. საერთო ჯამში ასეც მოხდა. აღსანიშნავია ის, რომ გარიგებაში მხოლოდ ფეხბურთელები მონაწილეობდნენ და მომხდართან ხელმძღვანელობას არანაირი კავშირი არ აქვს.
შეგახსენებთ, აღნიშნული მოგებით "ვალენსიამ" ჩემპიონთა ლიგაზე გასვლა გაინაღდა, ხოლო "ვალიადოლიდი" იმ დროისთვის ლა ლიგაში დარჩენილი იყო. "მფრინავმა თაგვებმა" 61 ქულა მოაგროვეს და მეოთხე ადგილზე გავიდნენ, ხოლო "ვალიადოლიდმა" 41 ქულით მე-17 ადგილი დაიკავა და სეგუნდაში გავარდნილ "ჟირონას" 4 ქულით გაასწრო.
![alt](/pictures/image50/70a38cf5f9fff17cfa583951646707db.jpg ""ვალიადოლიდის" 7 ფეხბურთელი თამაშის ჩაწყობაშია ეჭვმიტანილი [VIDEO]")
ესპანეთში მატჩების გარიგების ბრალდებით ლა ლიგის ფეხბურთელები დააკავეს
![alt](/pictures/image50/883fe2631a6bda090802b8750f364aca.jpg ""ვალიადოლიდის" 7 ფეხბურთელი თამაშის ჩაწყობაშია ეჭვმიტანილი [VIDEO]")
ესპანეთის პოლიციამ მადრიდის "რეალის" ყოფილი ფეხბურთელის დაკავების კადრები გაავრცელა [VIDEO]
