"ჩელსიდან" გადასულმა ნახევარმცველმა ედენ აზარმა მედშემოწმება გაიარა და "რეალმა" წარადგინა.
აზარს 2024 წლის ზაფხულამდე გაუფორმეს კონტრაქტი, პრეზენტაციას კი ფეხბურთელის მშობლები და ძმები ესწრებოდნენ.
ეს სიამოვნება "ბლანკოსს" 100 მილიონი ევრო დაუჯდა და ახალი "რეალის" მშენებლობა მის ირგვლივ დაიწყება.
გუნდის გულშემატკივრები სტადიონზე სკანდირებდნენ: "გვინდა მბაპე!"
"სამეფო კლუბის" პრეზიდენტმა ფლორენტინო პერესმა განაცხადა, რომ განსაკუთრებული ფეხბურთელის შეძენის გამო განსაკუთრებული დღეა, ეს ახლა ედენის სახლია და არაჩვეულებრივ გრძნობებს განიცდიან.
თავად აზარმა თქვა, რომ ბავშვობის ოცნება აისრულა და ახლა მომენტით სურს დატკბეს.
ცნობისათვის, პრეზენტაციაზე დაახლოებით 50 ათასი გულშემატკივარი მივიდა. ამაზე მეტი მხოლოდ 2009 წელს, რონალდოს წარდგენაზე მივიდა - 70 ათასი.
ედენ აზარს პრესკონფერენციაზე ხელზე 68-ათასევროიანი საათი ეკეთა
ედენ აზარი: ლუკა მოდრიჩმა 10 ნომერი არ მომცა![alt](/pictures/image50/d9dc2c950a3b39a0c6b6a880e207bee1.jpg ""რეალმა" ედენ აზარის პრეზენტაცია მოაწყო - გულშემატკივრები კი მბაპეს სახელს სკანდირებდნენ")
"რეალმა" თავისი სატრანსფერო რეკორდი მოხსნა და ეს მხოლოდ დასაწყისია?!![alt](/pictures/image50/4ab1280fc1cb48ff299ab4a9aad65065.jpg ""რეალმა" ედენ აზარის პრეზენტაცია მოაწყო - გულშემატკივრები კი მბაპეს სახელს სკანდირებდნენ")
ედენ აზარი მესისთან შედარებაზე: შეუდარებელთან შედარება არ შეიძლება
