აგენტი ადასტურებს - "ბარსელონა" ლაუტარო მარტინესით ინტერესდება

AutoSharing Option
"ინტერის" თავდამსხმელის ლაუტარო მარტინესის აგენტმა ალბერტო იაგუემ ესპანურ Diario As-თან დაადასტურა გავრცელებული ინფორმაცია იმის შესახებ, რომ "ბარსელონა" მისი კლიენტით ინტერესდება.

იაგუეს თქმით, ჯერჯერობით კონკრეტული შეთავაზება არ არსებობს.

"ჩვენთან ჯერჯერობით ზარი არ განხორციელებულა, თუმცა ვიცით, რომ "ბარსელონა" ჩემი კლიენტით დაინტერესებულია. მე ეს არ მიკვირს, რადგან მისი დონე ვიცი", - აცხადებს აგენტი.

ლაუტარო მარტინესი "ინტერს" გასული სეზონის წინ არგენტინული "რასინგიდან" შეუერთდა და გასულ სეზონში სერია A-ს 27 მატჩი 6 გოლითა და 2 საგოლე გადაცემით გამოირჩა.

მან აწ დასრულებულ "კოპა ამერიკაზე" არგენტინის ნაკრების
შემადგენლობაში 4-ჯერ ითამაშა და მეტოქის კარი 2-ჯერ აიღო.
მკითხველის კომენტარები / 0 /
კომენტარი ჯერ არ გაკეთებულა.

სიახლეები პოპულარული