გუშინ თავდამსხმელმა გარეთ ბეილმა "ზციანსუ სუნინში" გადასვლაზე თანხმობა განაცხადა, ჩინეთშიც ჩავიდა და ალბათ, შვებით ამოისუნთქა "რეალმა", რომ არასასურველ ფეხბურთელს თავიდან მოიშორებდა, რომელიც არაფერში არგია, წელიწადში 27 მილიონ ევროს იღებს, გუნდის წაგებისას ირონიულად იცინის და მისი აგენტი ჯონათან ბარნეტი მწვრთნელს, ზინედინ ზიდანს აკრიტიკებს. მოკლედ, უელსელი პრობლემა და ტვირთია "ბლანკოსისთვის".
Sky Sports-ის ჟურნალისტი კავეხ სოლხეკოპი ავრცელებს ინფორმაციას, რომ გარეთმა ჩინეთში დარჩენა გადაიფიქრა და "სამეფო კლუბში" კონტრაქტის ვადის ამოწურვამდე, ანუ კიდევ 3 წელი დარჩება. მართალია, სათადარიგოთა სკამის ხეხვა მოუწევს, თუმცა ამას ნაკლებად დარდობს,
ფეხბურთელის აგენტებმა განაცხადეს, რომ ჩინეთის პირველობა მათი კლიენტის შესაფერისი არ არის, ვინაიდან დაბალი დონისაა, მოედნები არ ვარგა და ჰაერიც დაბინძურებულია. თან, ფეხბურთელის მეუღლემ თქვა, რომ ჩინეთში ბეილს ვერ გაჰყვებოდა.
აგენტები იუწყებიან, რომ ბეილი პსჟ-ის ან "ბაიერნის" კლასის გუნდში თუ გააგრძელებს კარიერას, თუ არადა, "რეალში" ყოფნა უჯობს. რაც შეეხება ჩინეთს, იქ პენსიაზე გასვლის წინ შეიძლება ითამაშოს.
მოკლედ, საქმეს ისეთი პირი უჩანს, შერჩა "რეალს" ბეილი.
![alt](/pictures/image50/735fcbb28b1f597e229d05cffd9fa0d8.jpg ""რეალმა" გარეთ ბეილი მაინც ვერ მოიშორა - მან ჩინეთში გადაბარგება გადაიფიქრა")
ყველაზე მაღალანაზღაურებადი მოთამაშე - გარეთ ბეილი უკვე ჩინეთშია [VIDEO]![alt](/pictures/image50/576b8fb0d0b48a63236aea5dd7a02c54.jpg ""რეალმა" გარეთ ბეილი მაინც ვერ მოიშორა - მან ჩინეთში გადაბარგება გადაიფიქრა")
ნახეთ, როგორ ხარობდა გარეთ ბეილი, როდესაც "რეალი" აგებდა![alt](/pictures/image50/8cad2bd528b23f15de512495172d49f7.jpg ""რეალმა" გარეთ ბეილი მაინც ვერ მოიშორა - მან ჩინეთში გადაბარგება გადაიფიქრა")
გარეთ ბეილი "ცზიანსუ სუნინში" გადასვლაზე დათანხმდა
