"ვესტ ჰემის" 31 წლის მექსიკელი თავდამსხმელი ხავიერ ერნანდესი, იგივე ჩიჩარიტო, სათამაშოდ ესპანეთში ბრუნდება და Sky Sports-ის ინფორმაციით, კარიერას "სევილიაში" გააგრძელებს.
გამოცემის მიხედვით, ჩიჩარიტო სამედიცინო შემოწმებას "სევილიაში" დღეს, 2 სექტემბერს გაივლის და მისი აყვანა ესპანურ კლუბს 9 მილიონი ევრო დაუჯდება.
ხავიერ ერნანდესი "ვესტ ჰემში" ლევერკუზენის "ბაიერიდან" 17,8 მილიონი ევროს სანაცვლოდ გადავიდა. მას შემდეგ "ვესტ ჰემის" შემადგენლობაში მექსიკელმა 63 შეხვედრა ჩაატარა, 17 გოლი გაიტანა და 4 საგოლე გადაცემა გააკეთა.
ჩიჩარიტო, რომლის ევროპული კარიერაც "მანჩესტერ იუნაიტედში" დაიწყო, ესპანეთში უკვე თამაშობდა. 2014/15 წლებში ის
მადრიდის "რეალში" იყო განათხოვრებული და "სამეფო კლუბის" მაისურით პრიმერა დივიზიონში 7 გოლიც გაიტანა. მექსიკელმა 1 გოლი ჩემპიონთა ლიგაზეც შეაგდო და "ატლეტიკოს" წინააღმდეგ განმეორებითი მეოთხედფინალური მატჩის შემდეგ გაიყვანა "რეალი" ლიგის ნახევარფინალში.
ჩიჩარიტომ პრემიერლიგაში უნიკალურ შედეგს მიაღწია
![თამაში თოფურიამ დაიწყო, გოლი მოდრიჩმა გაიტანა - "რეალს" მამარდაშვილის "ვალენსია" ელის [VIDEO]](/pictures/image7/c6df006399d38d137c783951486ebe46.jpg "თამაში თოფურიამ დაიწყო, გოლი მოდრიჩმა გაიტანა - \"რეალს\" მამარდაშვილის \"ვალენსია\" ელის [VIDEO]")
