"მარკას" ცნობით, ესპანეთის ეროვნულმა სასამართლო კოლეგიამ "ბარსელონას" თავდამსხმელი ლეო მესი და მისი ფონდი უდანაშაულოდ ცნო.
საქმე აღძრული იყო მესის ფონდის მიმართ თაღლითობის მუხლით - ფულის გათეთრებისა და გადასახადებისთვის თავის არიდების ბრალდებით.
მოსამართლე მარია ტარდონმა საქმის დახურვის გადაწყვეტილება მტკიცებულებათა არქონის გამო მიიღო და დაასკვნა, რომ ის მხოლოდ მედიასაშუალებებში გამოქვეყნებულ ინფორმაციას ეფუძნებოდა.
ადრე გავრცელდა ინფორმაცია, რომ "ბარსელონა" თანხებს ბრიტანულ კომპანია Sidefloor Limited-ს ურიცხავდა და მათ ფეხბურთელის მამა და ძმა იღებდნენ.
ნოემბერში იტყობინებოდნენ, რომ მესის ფონდმა არ გამოიყენა შემოწირულობებით მიღებული სოცპროექტებისთვის განკუთვნილი თანხები.
