"სოსიედადი" მსაჯობით უკმაყოფილოა - "რეალმა" მოიგო, გალიდერდა და ყველაფერი მის ხელთაა [VIDEO]

AutoSharing Option
AUTO PLAY
ლა ლიგის 30-ე ტურში "რეალმა" გასვლაზე "სოსიედადს" 2:1 მოუგო.

უგოლო პირველი ტაიმის შემდეგ სერხიო რამოსმა და ბენზემამ დალაშქრეს ბასკების კარი. მერინომ ერთი საპასუხო გოლის გატანა შეძლო. ბოლოს სანსებასტიანელები ქულის გადარჩენას შეეცადნენ, მაგრამ არაფერი გამოუვიდათ და დამარცხდნენ.

უნდა აღინიშნოს, რომ მასპინძლები რამდენიმე ეპიზოდში მსაჯის გადაწყვეტილებით უკმაყოფილოები დარჩნენ: როდესაც ლორენტემ ვინისიუსი წააქცია და თერთმეტმეტრიანი დაინიშნა, იანუზაის არჩათვლილი  და ბენზემას ჩათვლილი გოლის გამო. სწორედ ამაზე მიანიშნა "ბარსას" მცველმა ჟერარდ პიკემ "სევილიასთან" ნამატჩევს, რომ რაც ხდება, ძნელად წარმოსადგენია, "ბლანკოსმა" ქულები დაკარგოს. ახლა ამ თემაზე
საუბრები აშკარად გამძაფრდება.

"რეალს", ისევე, როგორც "ბარსელონას", 65 ქულა აქვს, მაგრამ ურთიერშეხვედრებში უპირატესობით (0:0, 2:0) გალიდერდა.

24 ივნისს "ბარსელონა" "ბილბაოს" მასპინძლობს, ხოლო 25 ივნისს "რეალი" - "მალიორკას".

სერხიო რამოსმა, რომელმაც მუხლის ტრავმა მიიღო და შეცვალეს, პრიმერაზე 68-ე გოლი გაიტანა და მცველებს შორის ბომბარდირი გახდა. სერხიომ ესპანეთის მიმდინარე ჩემპიონატზე მე-7 გოლი გაიტანა და თავისი რეკორდი გაიმეორა. ამას გარდა, მან ყველა ტურნირზე ზედიზედ მე-20 პენალტი გამოიყენა.

"რეალში" პრიმერაზე 2019 წლის ოქტომბრის შემდეგ პირველად ითამაშა ნახევარმცველმა ხამეს როდრიგესმა.

სოსიედადი-რეალი 1:2
გოლები: 0:1 სერხიო რამოსი (50, პენ), 0:2 ბენზემა (71), 1:2 მერინო (83)

მკითხველის კომენტარები / 17 /
ვინმემ რამე რო მოგპაროთ და მერე თქვენ იმას მოპაროთ თქვენ წმინდანები გამოდიხართ? რეალს 7-10ქულა დააკარგვინესო და და იქნებ ატლეტიკოს 30 ქულა დააკარგინეს რატო არ დათვალეთ? ძალიან უნიჭო გამართლებაა ის რო ადრე თუ დააკარგვინეს ეხლა თუ მსაჯი მათკენ იყო მერე რა ორივე დანაშაულია და ეს არაობიექტური ფანობით შორს ვერ წახვალთ
ნოდო
23:14 22-06-2020
6
რეალის ფანები თუ ნაცებივით ვართ,ბარსას ფანები რაღა ყოფილხართ.თქვენ,რომ კაცმა გკითხოთ ობიექტურად მსჯელობთ და აფასებთ,არადა ერთი ვინმემ თქვას მსაჯებმა ბარსას დაეხმარესო გავარდებით და შეურაწყოფას აყენებთ.ბარსას ფანები ამბობთ რეალს მსაჯები ეხმარებიანო? თავმოყვარეობა, კაცობა აღარ გაქვთ,რომ "მსაჯელონაზე" ყოველთვის თვალებს ხუჭავთ და რეალს მიადგებით. რამდენი თამაში მოუგია "მსაჯელონას" დაგითვლიათ? მესის და ბარსას ჩასვრილი, რომ მსაჯებმა წმინდეს ბევრ გუნდთან მაგაზე, რატომ არ ლაპარაკობთ,განსაკუთრებით ლა-ლიგაზე, როგორ ეხმარებიან ბარსას ამაზეც რატომ არაფერს ამბობთ? საღად აზროვნების დროა ბარსას ფანებო.შეეშვით რეალს და მსაჯებს და თქვენს "მსაჯელონას" მიხედეთ...არ დაბლოკოთ
კარგით რა
22:41 22-06-2020
2

სიახლეები პოპულარული