"ბარსელონას" ფორვარდი ლუის სუარესი კლუბის დატოვებასთან ძალიან ახლოსაა - "ბლაუგრანას" ხელმძღვანელობამ "ლუისიტოს" წასვლისკენ უკვე მიუთითა.
ამის პარალელურად, იტალიურ პრესაში გაჩნდა ინფორმაცია, რომ 33 წლის ურუგვაელის საკუთარ გუნდში ხილვა ტურინის "იუვენტუსს" სურს. "ბებერი ქალბატონის" მმართველები მზად არიან სუარესს 2-წლიანი კონტრაქტი გაუფორმონ და ხელფასის სახით 3 მილიონი ევროც გადაუხადონ.
აღსანიშნავია, რომ ეს შეთავაზება ამსტერდამის "აიაქსის" წინადადებას ფინანსურად სჯობს, თუმცა იქნებ არამხოლოდ ფინანსურად... "იუვეში" გადასვლით სუარესი იმ იშვიათ ფეხბურთელთა რიცხვს შეუერთდება, რომლებსაც საკლუბო დონეზე მესისა და რონალდოსთან ერთად აქვთ ნათამაშები. ასეთი სპორტსმენი კი
მხოლოდ ორია: ჟერარდ პიკე და ჰენრიკ ლარსონი.
სუარესი "ბარსელონას" რიგებში 2014 წლიდან გამოდის. საერთო ჯამში, ურუგვაელმა "ბლაუგრანას" რიგებში 195 გოლი გაიტანა და ამ მაჩვენებლით კლუბის ისტორიაში მე-3 საუკეთესო ბომბარდირია.
მომზადებულია TuttoMercato-ს მიხედვით
![alt](/pictures/image50/5f7830082aaab9db045e7fbb325f17d5.jpg ""ბარსამ" სუარესს ღია კარისკენ მიუთითა - იტალიურმა გრანდმა კი თავისთან მიიწვია...")
შესაძლოა, სუარესმა კარიერა ნიდერლანდებში განაგრძოს
![ფელიქსის ულამაზესი მაკრატელა - "ბარსელონამ" კადისი დაამარცხა [VIDEO]](/pictures/image7/bdd7a72fcce7df0d3aa1bb7daa121cbe.png "ფელიქსის ულამაზესი მაკრატელა - \"ბარსელონამ\" კადისი დაამარცხა [VIDEO]")
![ჩემპიონთა ლიგა. 1/4-ფინალი: "ბარსამ", რომელსაც Puta უძახეს, პსჟ-ს მოუგო - "ატლეტიკომ" "დორტმუნდს" სძლია [VIDEO]](/pictures/image7/a6b0aea8db1590dd4ee5888757d08eb1.jpg "ჩემპიონთა ლიგა. 1/4-ფინალი: \"ბარსამ\", რომელსაც Puta უძახეს, პსჟ-ს მოუგო - \"ატლეტიკომ\" \"დორტმუნდს\" სძლია [VIDEO]")
