ლა ლიგის მე-9 ტურში "რეალი" "ვალენსიასთან" 1:4 დამარცხდა, რომელიც აქამდე სატურნირო ცხრილში მე-16 ადგილზე იმყოფებოდა.
ბენზემამ თავიდან კი დააწინაურა "სამეფო გუნდი", მაგრამ შემდეგ მსაჯმა ხესუს ხილ მანსანომ სტუმართა კარში 3 პენალტი დანიშნა და ყველა კარლოს სოლერმა გამოიყენა, ერთი გოლი კი საკუთარ კარში რაფაელ ვარანმა გაიტანა.
ესპანეთის ჩემპიონატზე ერთ მატჩში "რეალის" კარში 3 თერთმეტმეტრიანი პირველად დანიშნეს.
ვარანმა ბოლო 5 მატჩში 2 ავტოგოლი გაიტანა - იქამდე საკუთარ კარში ამდენივე გოლი 324 შეხვედრაში ჰქონდა გატანილი.
"რეალი" 8 ჩატარებულ მატჩში მოპოვებული 16 ქულით მეოთხე
ადგილზეა და 21 ნოემბერს სტუმრად "ვილიარეალს" შეხვდება.
![alt](/pictures/image50/9db0a46c8708b3a2c75c9f5a2e9581a5.jpg "ავტოგოლი, 3 პენალტი - "რეალი""ვალენსიასთან" დამარცხდა")
"მადრიდის რეალის" ორი ლიდერი კოვიდინფიცირებულია
