"მანჩესტერ სიტის" მცველი ერიკ გარსია ზამთრის სატრანსფერო ფანჯრის დროს "ბარსელონაში" არ გადავა. კატალონიური კლუბის პრეზიდენტის ფუნქციის შემსრულებელმა, კარლეს ტუსკეტსმა, ამ ტრანსფერთან დაკავშირებით "ბარსელონას" პრეზიდენტობის ყველა კანდიდატთან ვერ შეთანხმდა, რის გამოც კლუბმა ესპანელი მცველის ტრანსფერი გადადო.
ერიკი კლუბს ზაფხულში შეუერთდება, ფეხბურთელს კლუბთან პირადი კონტრაქტის დეტალები უკვე შეთანხმებული აქვს.
აღსანიშნავია, რომ გარსია ზაფხულში თავისუფალი აგენტი გახდება.
მომზადებულია Mundo Deportivo-ს მიხედვით
