ლა ლიგას 27-ე ტურში "რეალმა" მადრიდში "ელჩე" 2:1 დაამარცხა, 2016 წლის შემდეგად პირველად შეძლო პრიმერაზე გამარჯვების კომპენსირებულ დროში მოპოვება და ამას გარდა, ყველა ტურნირზე უკანასკნელ 8 შეხვედრაში დაუმარცხებელია - 6 მოგება და 2 ფრე.
61-ე წუთზე სტუმრები მცველმა დანი კალვომ დააწინაურა, 73-ე წუთზე ქარიმ ბენზემამ ანგარიში გაათანაბრა, 90+1-ე წუთზე კი მანვე გამარჯვების გოლი გაიტანა. ბენზემამ ზედიზედ მეოთხე მატჩში დალაშქრა მეტოქეთა კარი.
"რეალი" ამ მომენტისთვის 57 ქულით მეორე ადგილზეა, ლიდერ "ატლეტიკოს" 5 ქულით ჩამორჩება (სიმეონეს გუნდს 1 მატჩით ნაკლები აქვს ჩატარებული)
და 20 მარტს ვიგოში "სელტას" დაუპირისპირდება.
17 მარტს "სამეფო გუნდი" ჩემპიონთა ლიგის განმეორებით 1/8-ფინალურ შეხვედრაში "ატალანტას" უმასპინძლებს. შეგახსენებთ, ბერგამოში "ბლანკოსმა" 1:0 იმარჯვა.
![alt](/pictures/image50/8970c0eb43c90a6f34e7733a2402a106.jpg "ბენზემამ "ელჩეს" თამაში შემოუტრიალა")
რონალდო "რეალში"?! აგენტი და კლუბი ტრანსფერს განიხილავენ
![კვლავ ფორმაშია! - შოთა არველაძემ მადრიდის "რეალს" გაუტანა [VIDEO]](/pictures/image7/2d1f3aeb1efc7b85ecbdcc72c2873bff.png "კვლავ ფორმაშია! - შოთა არველაძემ მადრიდის \"რეალს\" გაუტანა [VIDEO]")
