სეზონის სტარტზე წარუმატებლობის გამო "ბარსელონა" და მისი კაპიტანი ლეო მესი ბევრმა ჩამოწერილად მიიჩნია, თუმცა, ნურას უკაცრავად. კატალონიურმა გუნდმა ჩემპიონატზე უკანასკნელი 18 მატჩიდან 15 მოიგო, ხოლო 3 ფრედ დაასრულა. მესიმ "ბარსაში" 768-ე მატჩი ჩაატარა, ხავის გაასწრო, კლუბის რეკორდსმენი გახდა და 23 გოლით საუკეთესო ბომბარდირია.
ამას გარდა, არგენტინელმა ერთ გუნდში გატანილი პელეს რეკორდი გაიმეორა - 467 გოლი. ეს ინფორმაცია "ბარსელონამ" გაავრცელა, თუმცა შემდეგ ლიონელი რეკორდსმენად გამოაცხადა, ვინაიდან პელეს მიერ სან-პაულუს შტატში გატანილი გოლები მხედველობაში არ მიიღო. სულ კი მესიმ "ბარსაში" 700 გოლი გაიტანა.
საუკეთესო ლიგებში ბომბარდირები არიან: ჯიმი გრივზი (ინგლისი, 357), გერდ მიულერი (გერმანია, 365), სილვიო პიოლა (იტალია, 274) და დელიო ონისი (საფრანგეთი, 299).
და კიდევ: ლეომ პენალტების გარეშე გატანილი გოლებით რონალდოს (იუვენტუსი) გაასწრო. მის ანგარიშზე თამაშში გატანილი 637 გოლია.
![alt](/pictures/image50/9d69d3e70f26be945523df4f820e7186.jpg "აკი, მესი დაბერდა, "ბარსელონა" კი დაოსდაო? - მესიმ პელეც ჩამოიტოვა და რონალდოც [VIDEO]")
მესის სარეკორდო მატჩი, დუბლი და პრიმერაზე შეუჩერებელი "ბარსელონა" [VIDEO]
![მესის ჰეთ თრიქი და 2 საგოლე პასი - "ლა პულგას" ბენეფისი ბოლივიასთან [VIDEO]](/pictures/image7/e08278da65991e6878e6b4bdb55041a0.jpg "მესის ჰეთ თრიქი და 2 საგოლე პასი - \"ლა პულგას\" ბენეფისი ბოლივიასთან [VIDEO]")
