მადრიდის "რეალის" ყოფილმა მთავარმა მწვრთნელმა ზინედინ ზიდანმა Canal+-თან საუბარში დაასახელა სამი ადამიანი, რომლებმაც "სამეფო გუნდში" ყველაზე მეტად აღაფრთოვანეს. ფრანგმა ასეთებად ლუკა მოდრიჩი, კარიმ ბენზემა და ტონი კროოსი მიიჩნია. საინტერესოა, რომ ზიდანმა სიაში არ შეიყვანა კრიშტიანო რონალდო, რომელიც კლუბის ისტორიაში ერთ-ერთი ყველაზე წარმატებული ფეხბურთელია და მან მადრიდის "რეალის" შემადგენლობაში 438 მატჩში 450 გოლი გაიტანა.
ზიდანი "ბლანკოსს" ორჯერ წვრთნიდა. მან "რეალს" ორჯერ ლა ლიგა და სამჯერ ჩემპიონთა ლიგა მოაგებინა.
