ლა ლიგის 34-ე ტურის დასკვნით მატჩში "სევილია" საკუთარ მოედანზე "ბილბაოსთან" 0:1 დამარცხდა (გოლი 90-ე წუთზე ვილიამსმა გაიტანა) და ფაქტობრივად, ოქროს მედლებისთვის ბრძოლას გამოეთიშა.
ლა ლიგის მოგებისთვის ბრძოლაში მხოლოდ დიდი სამეული დარჩა: ლიდერი "ატლეტიკო" (76 ქულა აქვს), მეორე პოზიციაზე მყოფი "რეალი" (74 ქულა) და მესამეადგილოსანი "ბარსელონა" (74 ქულა).
ჩემპიონატის დასრულებამდე 4 ტურია დარჩენილი. 8 მაისს "ბარსა" "ატლეტიკოს", ხოლო "რეალი" 9 მაისს "სევილიას" მასპინძლობს.
კატალონიური გუნდის მცველმა ჟერარდ პიკემ თქვა, რომ ყველაფერი მათ ხელთაა, უბრალოდ "ატლეტიკოს" უნდა სძლიონ და ყველაფერი მარტივადაა.
"ბარსელონას"
პრეზიდენტმა ჟოან ლაპორტამ კი შემდეგი განაცხადა: "ვალენსიასთან" მატჩის წინ მე ვთქვი, რომ თუ დარჩენილ 5 შეხვედრაში ვიმარჯვებთ, ლა ლიგას მოვიგებთ. ახლა უკვე 5 კი არა, 4 თამაში დარჩა. მე ჩემი გუნდის მჯერა".
"ვალენსიასთან" ნამატჩევს "ბარსელონას" კაპიტანმა ლეო მესიმ საბრძოლო განწყობის ასამაღლებლად მთელი გუნდი სახლში სადილზე დაპატიჟა. კატალონიური "სპორტი" იტყობინება, რომ მესი ძალიან მოტივირებულია და ცდილობს გუნდში სათანადო განწყობა შექმნას.
![alt](/pictures/image50/28d60f54cfd10f1a355c9a76314f9f96.jpg "მესიმ მთელ გუნდს სახლში პურმარილი გაუშალა - "ბარსა" პრიმერას მოგებაში დარწმუნებულია")
ბარსელონამ ვალენსიას სძლია - წინ ატლეტიკოსთან გადამწყვეტი ბრძოლაა [VIDEO]
