89 წლის ასაკში მადრიდის "რეალის" ლეგენდარული ფეხბურთელი ფრანსისკო "პაკო" ხენტო გარდაიცვალა.
ესპანელი გარემარბი მადრიდულ გრანდში 1953-დან 1971 წლამდე თამაშობდა. საერთო ჯამში, "თეთრების" მაისურით პაკომ 600 მატჩი ჩაატარა და 182 გოლი გაიტანა.
ხენტო მსოფლიო ფეხბურთის ისტორიაში ერთადერთი მოთამაშეა, რომელმაც ჩემპიონთა თასი 6-ჯერ მოიგო.
ამასთან ერთად, "რეალის" შემადგენლობაში ესპანეთის ჩემპიონატში 12-ჯერ იმარჯვა, ესპანეთის თასს 2-ჯერ დაეუფლა და 1960 წელს საკონტინენტთაშორისო თასიც ასწია.
საერთო ჯამში, პაკომ "რეალის" რიგებში 23 ტიტული მოიგო, რაც კლუბის რეკორდი გახლავთ. გასულ კვირაში ლეგენდას ტიტულების რიცხვით მარსელო დაეწია.
![კვლავ ფორმაშია! - შოთა არველაძემ მადრიდის "რეალს" გაუტანა [VIDEO]](/pictures/image7/2d1f3aeb1efc7b85ecbdcc72c2873bff.png "კვლავ ფორმაშია! - შოთა არველაძემ მადრიდის \"რეალს\" გაუტანა [VIDEO]")
ორივეს იწვევდნენ მსოფლიოს ნაკრებში.