ცნობილმა არგენტინელმა ფეხბურთელმა სერხიო აგუერომ, რომელმაც კარიერა რამდენიმე თვის წინ დაასრულა, "ბარსელონადან" ლიონელ მესის წასვლის შესახებ ისაუბრა. მოგეხსენებათ, 2021 წელს "კუნი" "ბლაუგრანაში" "სიტიდან" თავისუფალი აგენტის სტატუსით გადაბარგდა, მალევე კი ცნობილი გახდა, რომ კატალონიელთა რიგები ლეო მესიმ დატოვა.
როგორც იწერებოდა, აგუეროსთვის "ბარსელონაში" გადასვლის ერთ-ერთი მთავარი მოტივაცია სწორედ ლეო გახლდათ და სერხიომ El Chiringuito-სთან შემდეგი თქვა:
"როდესაც "ბარსელონამ" სოციალური მედიით გაავრცელა, რომ კლუბი მესიმ დატოვა, მაშინვე ვიფიქრე, რომ ვინმემ გუნდის გვერდი დაჰაკა. ვფიქრობდი, რომ ეს ძალიან მწარე ხუმრობა იყო..." , - ამბობს
