ლა ლიგის მე-13 ტურში „რეალი“ „რაიო ვალეკანოსთან“ 2:3 დამარცხდა.მასპინძლებმა ჩინებულად ითამაშეს და გამარჯვების გოლი პენალტით გაიტანეს - კარვახალს ბურთი საჯარიმოში ხელზე მოხვდა, მსაჯმა თერთმეტმეტრიანი ვიდეოგამეორების ნახვის შემდეგ დანიშნა, კურტუამ ტრეხოს დარტყმული ბურთი მოიგერია, მაგრამ იქამდე საჯარიმოში კარვახალმა შეირბინა, არბიტრმა ტრეხოს განმეორებით შეასრულებინა უმაღლესი საფეხბურთო სასჯელი და მან მეორე ცდიდან შანსი ხელიდან არ გაუშვა.
„სამეფო გუნდმა“ მიმდინარე ჩემპიონატის 13-დან მხოლოდ 2 მატჩში არ გაუშვა გოლი, რაც 2013/14-ის სეზონის შემდეგ მისი ყველაზე უარესი შედეგია და ამას გარდა, აპრილის მერე პირველად გაუტანეს
„რეალმა“ თანაქალაქურ გუნდთან ისტორიაში პრიმერაზე პირველად წააგო - აქამდე 12-ჯერ სძლია და ორჯერ დაუზავდა.
„რეალი“ 32 ქულით მეორე ადგილზეა, ლიდერ „ბარსელონას“ 2 ქულით ჩამორჩება და 11 ნოემბერს „კადისს“ უმასპინძლებს.
მადრიდი. „კამპო დე ვალეკასი“. 14 216 მაყურებელი
რაიო ვალეკანო - რეალი 3:2
გოლები: 1:0 კომესანია (5), 1:1 მოდრიჩი (37, პენ), 1:2 მილიტაო (41), 2:2 გარსია (44), 3:2 ტრეხო (66, პენ)
![alt](/pictures/image50/a2c438e1c0f29e1cfb8fcbf835051eac.jpg "სენსაცია - "რაიო ვალეკანომ" "რეალს" ისტორიაში პირველად სძლია")
აზარს "რეალიდან" უშვებენ - ბელგიელი მადრიდელთა გეგმებში აღარ შედის
![კვლავ ფორმაშია! - შოთა არველაძემ მადრიდის "რეალს" გაუტანა [VIDEO]](/pictures/image7/2d1f3aeb1efc7b85ecbdcc72c2873bff.png "კვლავ ფორმაშია! - შოთა არველაძემ მადრიდის \"რეალს\" გაუტანა [VIDEO]")
