ჟოაო ფელიქსის განცხადებამ "ატლეტიკოს" ფანები ძალიან გააღიზიანა. მოგეხსენებათ, პორტუგალიელმა რამდენიმე დღის წინ თქვა, რომ ბავშვობიდან "ბარსელონაში" თამაშზე ოცნებობს და "ბლაუგრანა" მისი საყვარელი კლუბია. "როხიბლანკოს" ქომაგები თავიანთი საყვარელი კლუბის სტადიონთან მივიდნენ, სადაც ახალგაზრდა შემტევის პატივსაცემად სამახსოვრო დაფა არის განთავსებული, ის შეურაცხყვეს და დააწერეს, რომ ფელიქსი მეძავია.
ესპანური პრესა ავრცელებს ინფორმაციას, რომ პორტუგალიელი კარიერას სწორედ "ბარსელონაში" განაგრძობს, რომელიც ფეხბურთელს იჯარით აიყვანს და შემდეგ გამოსყიდვის უფლებაც ექნება.
