ლა ლიგის მე-19 ტურში „ჟირონამ“ სახლში „ატლეტიკო“ 4:3 დაამარცხა.
მატჩი საოცრად ლამაზი სანახავი გამოდგა. სტუმრები მდევრის როლში იყვნენ, ანგარიში გაათანაბრეს, მაგრამ კომპენსირებულ დროში მარტინმა დიდებული გოლით კატალონიელებს გამარჯვება მოუტანა.
მადრიდული გუნდის თავდამსხმელმა მორატამ ჰეთ-თრიკი შეასრულა, მიმდინარე ტურნირზე მეთორმეტე გოლი გაიტანა და მხოლოდ ბელინგემს ჩამორჩება, რომლის ანგარიშზე 13 გოლია.
„ჟირონა“ „რეალთან“ ერთად ლიდერია, ხოლო „ატლეტიკო“ მესამე ადგილზეა.
„ჟირონას“ ორი გასვლითი მატჩი ელის - 6 იანვარს თასზე „ელჩესთან“ და 14 იანვარს პრიმერაზე „ალმერიასთან“. „ატლეტიკოსაც“ მომავალი ორი შეხვედრის სტუმრად ჩატარება მოუწევს - 6 იანვარს თასზე „ლუგოსთან“ და 10 იანვარს ჩემპიონატზე „რეალთან“.
ჟირონა. „მონტილივი“. 13 804 მაყურებელი
ჟირონა - ატლეტიკო 4:3
გოლები: 1:0 ვალერი (2), 1:1 მორატა (14), 2:1 სავიო (26), 3:1 ბლინდი (39), 3:2 მორატა (44), 3:3 მორატა (54), 4:3 მარტინი (90+2)
დიეგო სიმეონე: "ჟირონას" შეუძლია ჩემპიონი გახდეს
![ჩემპიონთა ლიგა. IV ტური: "ბარსელონა" შეუჩერებელია - იტალიური გუნდების წარმატებული სვლა გრძელდება [VIDEO]](/pictures/image7/9aabdb4edc99f3cf31c03002fb06545e.jpeg "ჩემპიონთა ლიგა. IV ტური: \"ბარსელონა\" შეუჩერებელია - იტალიური გუნდების წარმატებული სვლა გრძელდება [VIDEO]")
