მადრიდის "რეალის" მთავარი მწვრთნელის, კარლო ანჩელოტის თქმით, მისი გუნდი ზაფხულის სატრანსფერო ფანჯარაზე აღარავის დაიმატებს. როგორც იტალიელმა აღნიშნა, სავარაუდოდ, "ბლანკოსის" რიგებსაც არცერთი ფეხბურთელი აღარ დატოვებს.
ინფორმაციისთვის, "რეალმა" ამ ზაფხულს კილიან მბაპე და ენდრიკი გაიფორმა. "სამეფო გუნდს" ლენი იოროს მიყვანაც უნდოდა, მაგრამ ფრანგი მცველი საბოლოოდ "მანჩესტერ იუნაიტედში" აღმოჩნდა.
