31 წლის შვეიცარიელი ფლანგის მცველი რიკარდო როდრიგესი, რომელიც გასულ სეზონში საბა საზონოვის "ტორინოში" ასპარეზობდა, კარიერას ლა ლიგის ბინადარ "ბეტისში" განაგრძობს.გამოცდილი უკანახაზელი ესპანურ გუნდში თავისუფალი აგენტის სტატუსით გადავიდა და კონტრაქტი 2026 წლის ივნისამდე გააფორმა.
გასულ სეზონში მან ტურინელთა ფორმა 37 შეხვედრაში მოირგო, სადაც 1 გოლი გაიტანა და 2 შედეგიანი გადაცემა გააკეთა.
"ტორინომდე" ის "ციურიხის", "ვოლფსბურგის", "მილანისა" და პსვ-ის ღირსებასაც იცავდა.
შეხსენებისთვის, ალესიო ბონჯორნოს შემდეგ როდრიგესი მეორე მცველია, რომელმაც ზაფხულში "ტორინო" დატოვა.
![ხვიჩას მერვე საგოლე მოქმედება - "ნაპოლიმ" "ტორინოს" სძლია და ისევ ლიდერია [VIDEO]](/pictures/image7/1469135d03492897875269d9889757db.jpeg "ხვიჩას მერვე საგოლე მოქმედება - \"ნაპოლიმ\" \"ტორინოს\" სძლია და ისევ ლიდერია [VIDEO]")
