ფაბრიციო რომანოს ინფორმაციით, პოლონელმა ვოიცეხ შესნიმ "ბარსელონაში" სამედიცინო შემოწმება გაირა. წყაროს ცნობით, 34 წლის მეკარე "ბლაუგრანასთან" კონტრაქტს სეზონის ბოლომდე გააფორმებს. აქვე, აღნიშნულია, რომ კიპერი ჩემპიონთა ლიგის მეორე ტურის მატჩს, რომელშიც "ბარსა" და "იანგ ბოიზი" ითამაშებენ, თვალს ტრიბუნიდან მიადევნებს.
პოლონელმა საფეხბურთო კარიერა გასული ზაფხულის შემდეგ დაასრულა, თუმცა "ბარსელონას" ინტერესის ფონზე პროფესიონალი მოთამაშის სტატუსის განახლება გადაწყვიტა. წინა სეზონში შესნიმ "იუვეს" მაისურით სერია ა-ში 34 მატჩი ჩაატარა და 30 გოლი გაუშვა. 34 შეხვედრიდან 15-ში პოლონელმა კარი მშრალად შეინახა.
