Madrid Zone-ს ინფორმაციით, ლეგენდარული ესპანელი ფეხბურთელი რაული მიმდინარე სეზონის ბოლოს "რეალის" ახალგაზრდული გუნდის მთავარი მწვრთნელის პოსტს დატოვებს. მის ადგილს მადრიდული გუნდის ასევე ყოფილი წევრი ალვარო არბელოა დაიკავებს. მედიაში გავრცელებული ცნობით, "ბლანკოსის" ყოფილ შემტევს უფრო დიდ ასპარეზზე სურს ძალების სინჯვა.
რამდენიმე კვირის წინ სპორტულ პრესაში იწერებოდა, რომ რაულს კიდევ ერთი მისი ყოფილი კლუბი "შალკე" იწვევდა.
