კიევის "დინამომ" ევროპა ლიგის უკანასკნელ ტურში სახლში ვერ დაამარცხა "ლუგანო" (1:1) და ჯგუფში ჩარჩა. ამ მატჩის 64-ე წუთზე შეცვლაზე შევიდა ნახევარმცველი გიორგი წიტაიშვილი, რომელმაც კომპენსირებულ დროში საგოლე გადაცემა მიითვალა. მან "ინსტაგრამით" გულშემატკივრებს ბოდიში მოუხადა.
"მინდა ჩემი სიტყვების გამო ბოდიში მოვიხადო. მინდოდა მეთქვა, რომ ბოლო 10 წუთში მხარდაჭერა გვესაჭიროებოდა, თქვენ კი უკვე სტვენა დაიწყეთ. დიახ, საშინელი შედეგია. შეხვედრის შემდეგ ჩემი აზრი არასწორად გამოვთქვი.
გმადლობთ, რომ ასეთ ამინდში სტადიონზე მოხვედით. არავითარ შემთხვევაში არ მიგულისხმია ის, რაც ყველგან დაიწერა. თქვენ გარეშე ფეხბურთი არ
არსებობს და გულშემატკივრების გარეშე თამაშის სურვილიც არ არის. არ გამიგოთ არასწორად".
გიორგი წიტაიშვილმა ევროპა ლიგაზე საგოლე გადაცემა გააკეთა - კიევის "დინამო" გავარდა
![აზაროვმა "ბარსელონასთან" მატჩის წინ ტრავმა მიიღო - "შახტარმა" კიევის "დინამოს" სძლია [VIDEO]](/pictures/image7/e1836676196bee8b55d0916be63ec611.jpg "აზაროვმა \"ბარსელონასთან\" მატჩის წინ ტრავმა მიიღო - \"შახტარმა\" კიევის \"დინამოს\" სძლია [VIDEO]")
