"მანჩესტერ იუნაიტედის" მთავარი მწვრთნელი ოლე-გუნარ სოლსკიაერი კმაყოფილი დარჩა ევროპა ლიგის 1/8-ფინალის პირველი მატჩით, სადაც მისმა გუნდმა "ლასკს" 5:0 მოუგო. "კარგად გავაკეთეთ ჩვენი საქმე, პროფესიონალურად. მაგრამ საქმე მხოლოდ ხარისხსა და პროფესიონალიზმში არაა, ჩვენ კარგი ფეხბურთი ვაჩვენეთ. ფეხბურთელებმა ყველაფერი გააკეთეს, რაც მოვთხოვეთ.
შთამბეჭდავი გოლები გავიტანეთ. მათ ერთი კარგი მომენტი ჰქონდათ, როცა ერიკ ბეეიმ დაუბლოკა. მცველები და სერხიო რომეროც მოწოდების სიმაღლეზე იყვნენ. ბიჭები კონცენტრირებულნი იყვნენ და ერთ გუნდად თამაშობდნენ." - ციტირებს სოლსკიაერს უეფას პრესსამსახური.
ევროპა ლიგა. 1/8-ფინალი: ხოჭოლავას "შახტარმა" გერმანიაში იმარჯვა, "მანჩესტერმა" - ავსტრიაში [VIDEO]
